26 C
Chennai
Tuesday, March 9, 2021

பார்த்திபனின் ஒத்த செருப்பு – புதுச்சேரி அரசு கொடுத்துள்ள அங்கீகாரம்!

நடிகர் பார்த்திபன் அவர்களால் இயக்கப்பட்ட ஒத்த செருப்பு திரைப்படம் புதுச்சேரி அரசால் சிறந்த திரைப்படமாக தேர்வு செய்யப்பட்டு விருது பெற உள்ளது.

இயக்குனர் பார்த்திபன் அவர்களால் இயக்கப்பட்டு அவராலேயே நடிக்கப்பட்ட ஒத்த செருப்பு எனும் திரைப்படம் மக்கள் மத்தியில் நல்ல வரவேற்பைப் பெற்றது. இருப்பினும், இந்த படத்துக்கு ஒரு அங்கீகாரம் கிடைக்கவில்லை என்று அடிக்கடி பார்த்திபன் கூறியுள்ளார். இருப்பினும் அதன்பின் பல்வேறு இடங்களில் இந்த படத்திற்கான அங்கீகாரத்தை அவர் பெற்றுள்ள நிலையில், தற்போது புதுச்சேரி அரசு சார்பில் ஆண்டுதோறும் நடத்தப்படக் கூடிய திரைப்பட விழா இந்த ஆண்டு டிசம்பர் 15ஆம் தேதி அலையன்ஸ் பிரான்சேஸ் அரங்கில் நடத்தப்பட உள்ளது.

மத்திய அரசு ஆண்டுதோறும் சிறந்த திரைப்படங்களை தேர்வு செய்து திரைப்பட விழாவை நடத்துவது போல சிறந்த பிராந்திய மொழி புகைப்படத்தை தேர்வு செய்து புதுவை அரசு வழங்கிய வரும் நிலையில் 2019ஆம் ஆண்டு வெளிவந்த ஒத்த செருப்பு திரைப்படம் சிறந்த திரைப்படமாக தற்பொழுது தேர்வு செய்யப்பட்டுள்ளது. வருகிற டிசம்பர் 15ஆம் தேதி பார்த்திபனுக்கு புதுச்சேரி முதல்வர் நாராயணசாமி அவர்கள் சங்கரதாஸ் சுவாமிகள் பெயரிலான விருது வழங்கப்படவுள்ளது.விருதுகள் மட்டுமல்லாமல், அத்துடன் ஒரு லட்சம் ரொக்கப் பரிசும் இதில் கொடுக்கப்பட உள்ளதாக தெரிவிக்கப்பட்டுள்ளது.

Latest news

Related news