#Omicron: டெல்லியில் 30,000 ஆக்ஸிஜன் படுக்கைகளை தயார்- அரவிந்த் கெஜ்ரிவால்..!

Omicron இந்தியாவிற்கு வராது என்று நம்புகிறோம். ஆனால் டெல்லியில்  30,000 ஆக்ஸிஜன் படுக்கைகளை தயார் செய்துள்ளோம் என அரவிந்த் கெஜ்ரிவால் தெரிவித்தார்.

டெல்லி முதல்வர் அரவிந்த் கெஜ்ரிவால் ஓமிக்ரான் மாறுபாட்டைச் சமாளிக்க மாநில அரசின் முன்னெச்சரிக்கை குறித்து செய்தியாளர்களிடம் தெரிவித்தார். அதில்,  அதிகாரிகளுடன் இன்று ஆலோசனை நடத்தினேன். Omicron இந்தியாவிற்கு வராது என்று நம்புகிறோம். ஆனால் பொறுப்பான அரசாங்கங்களாக நாங்கள் தயாராக இருக்க வேண்டும். படுக்கைகளைப் பொறுத்தவரை, நாங்கள் 30,000 ஆக்ஸிஜன் படுக்கைகளை தயார் செய்துள்ளோம்.

அவற்றில் 10,000 ஐசியூ படுக்கைகள். இது தவிர, 6,800 ஐசியூ படுக்கைகள்  பிப்ரவரிக்குள் தயாராகிவிடும் எனவே, விரைவில் 17,000 படுக்கைகள் இருக்கும். ஒவ்வொரு முனிசிபல் வார்டிலும் தலா 100 ஆக்சிஜன் படுக்கைகளை 2 வார அறிவிப்பில் தயார் செய்ய ஏற்பாடு செய்துள்ளோம். எனவே 27,000 ஆக்சிஜன் படுக்கைகளை குறுகிய காலத்தில் தயார் செய்யலாம்.

கொரோனா (சிகிச்சை) போது 32 வகையான மருந்துகள் பயன்படுத்தப்படுகின்றன. மருந்து தட்டுப்பாடு ஏற்படாத வகையில் 2 மாதங்களுக்கு ஸ்டாக் வழங்க உத்தரவிடப்படுகிறது என டெல்லி முதல்வர் அரவிந்த் கெஜ்ரிவால் கூறினார்.