குஜராத்தில் சொகுசுப்பேருந்து, கார் மோதிய விபத்து! 9 பேர் பலி.!

குஜராத்தின் அகமதாபாத்-மும்பை நெடுஞ்சாலையில் பேருந்தும், காரும் மோதிய விபத்தில் 9 பேர் உயிரிழந்துள்ளனர்.

குஜராத்தின் நவ்சாரி மாவட்டத்தில் சொகுசுப் பேருந்து மற்றும் எஸ்யூவி கார் நேருக்குநேர் மோதி விபத்துக்குள்ளாகியது. இந்த விபத்தில் 9 பேர் உயிரிழந்துள்ளனர் மற்றும் பலருக்கு படுகாயம் ஏற்பட்டுள்ளது போலீஸார் தெரிவித்தனர்.

எஸ்பி ருஷிகேஷ் உபாத்யாய் கூறுகையில், அகமதாபாத்-மும்பை நெடுஞ்சாலையில் பேருந்து வல்சாத் நோக்கிச் சென்று கொண்டிருந்தபோது, எஸ்யூவி எதிர் திசையில் வந்தது, எதிர்பாராதவிதமாக நடந்த இந்த விபத்தில் பஸ் டிரைவரும், எஸ்யூவியில் இருந்த எட்டு பேரும் உயிரிழந்தனர். மேலும் படுகாயமடைந்த ஒருவர் சூரத் மருத்துவமனைக்கு அனுப்பப்பட்டதாக அவர் மேலும் கூறினார்.