திரைத்துறையில் சிறந்து விளங்கும் நடிகர், நடிகைகள், தொழில்நுட்பக் கலைஞர்கள் உள்ளிட்டோருக்கு வருடம் தோறும் மத்திய தகவல் ஒலிபரப்புத் துறை அமைச்சகம் தேசிய விருது வழங்கி கௌரவித்து வருகிறது.
அந்த வகையில், இன்று ( ஜூலை 22 ) மாலை 4 மணிக்கு 68-வது தேசிய திரைப்பட விருதுகள் விழா டெல்லியில் அறிவிக்கப்படவுள்ளதாக முன்னதாக அறிவிக்கப்பட்டிருந்தது. அதன்படி, தற்போது விருதுகள் அறிவிக்கப்பட்டுள்ளது.
அந்த வகையில், சிறந்த தமிழ் திரைப்படத்திற்கான விருது “சிவரஞ்சினியும் இன்னும் சில பெண்களும்” படத்திற்கு அறிவிக்கப்பட்டுள்ளது. இந்த படத்தை இயக்குனர் வசந்த் இயக்க படத்தில் காளீஸ்வரி சீனிவாசன், லக்ஷ்மி பிரியா சந்திரமௌலி, பார்வதி திருவோடு, கருணாகரன் உள்ளிட்ட பலர் நடித்திருந்தார்கள்.
