அமெரிக்க அதிபர் டிரம்ப் அகமதாபாத்தில் உள்ள சர்வதேச விமான நிலையத்துக்கு அவரது ஏர்போர்ஸ் ஒன் என்ற பிரமாண்ட விமானம் மூலம் வந்த ட்ரம்பை பிதாமற் மோடி கட்டித் தழுவி வரவேற்றார். இதையடுத்து ட்ரம்ப் மற்றும் மோடி சபர்மதி ஆசிரமத்துக்கு சென்று அங்கு பார்வையிட்டார். பின்னர் தொடர்ந்து அகமதாபாத்தில் மிக பிம்மாண்டமாக கட்டப்பட்டுள்ள (மோட்டேரா) சர்தார் வல்லபாய் படேல் மைதானத்தில் நமஸ்தே டிரம்ப் எனும் பெயரில் நிகழ்ச்சி நடைபெற்று வருகிறது. இந்த நிகழ்ச்சியில் பங்கேற்க ட்ரம்ப் மற்றும் மோடி மைதானத்துக்கு வந்தடைந்தனர்.
இதையடுத்து இருநாட்டு தேசிய கீதம் போடப்பட்டது. தொடர்ந்து நமஸ்தே டிரம்ப் என்ற தலைப்பில் பிரதமர் மோடி வரவேற்பு உரை அளித்து வருகிறார். பின்னர் அமரிக்க அதிபர் ட்ரம்ப் பேசவுள்ளார். இந்த நிகழ்ச்சியில் சுமார் 1 லட்சத்துக்கு மேற்பட்டோர் திரளாக குவிந்துள்ளனர். பின்னர் பல்வேறு இசை நிகழ்ச்சி மற்றும் கலை நிகழ்ச்சி என டிரம்புக்கு உற்சாக வரவேற்பு அளிக்கப்பட்டது. இந்த கிரிக்கெட் ஸ்டேடியம் தான் உலகிலேயே மிக பெரிய ஸ்டேடியம் என குறிப்பிடத்தக்கது.
