திமுக தலைவர் மு.க. ஸ்டாலினின் சொத்து மதிப்பு கடந்த 2016-ஐ விட தற்போது 3 கோடி உயர்ந்துள்ளதாக தெரிவிக்கப்பட்டுள்ளது.
தமிழக சட்டமன்ற தேர்தலை தொடர்ந்து, தற்போது வேட்புமனு தாக்கல் செய்யப்பட்டு வருகிறது. இதனால், அரசியல் கட்சியினர் ஒருபுறம் வேட்புமனு தாக்கல் மறுபுறம் வேட்பாளர்கள் அறிவிப்பினை அறிவித்து வருகின்றனர்.
இன்று திமுக தலைவர் மு.க. ஸ்டாலின் கொளத்தூர் தொகுதியில் 3-வது முறையாக போட்டியிட அயனவரத்தில் 6-வது மாநகராட்சி மண்டல அலுவலகத்தில் ஸ்டாலின் வேட்புமனு தாக்கல் செய்தார். இந்நிலையில், ஸ்டாலின் தாக்கல் செய்த வேட்புமனுவில் சொத்து மதிப்பு விவரங்கள் தெரிவிக்கப்பட்டுள்ளது.
அதில், திமுக தலைவர் மு.க. ஸ்டாலினின் சொத்து மதிப்பு கடந்த 2016-ஐ விட தற்போது 3 கோடி உயர்ந்துள்ளதாக தெரிவிக்கப்பட்டுள்ளது. அதன்படி கடந்த 2016-ஆம் ஆண்டு மு.க ஸ்டாலினின் அசையா சொத்து ரூ.4,72,43,882 கோடியாக இருந்துள்ளது. பின்னர், 2021-ஆம் ஆண்டு அசையா சொத்து ரூ.3,63,37,693 கோடியாக உள்ளது. இதனால், அசையா சொத்தின் மதிப்பு ரூ.1,09,06,189 சரிவை கண்டுள்ளது.
கடந்த 2016-ஆம் ஆண்டு மு.க ஸ்டாலினின் அசையும் சொத்து ரூ.1,11,59,079 கோடியாக இருந்துள்ளது. பின்னர், 2021-ஆம் ஆண்டு அசையும் சொத்து ரூ.5,25,37,646 கோடியாக உள்ளது. இதனால், அசையும் சொத்தின் மதிப்பு ரூ.4,13,78,567 கோடியாக உயர்ந்துள்ளது என தெரிவிக்கப்பட்டுள்ளது.
