ஐபிஎல் தொடரில் இன்று மும்பை அணிக்கு எதிராக நடைபெற்ற 69-வது போட்டியில் டெல்லி அணி, 5 விக்கெட் வித்தியாசத்தில் தோல்வியை சந்தித்து, பிளே ஆப்ஸ் சுற்றுக்கான வாய்ப்பை இழந்தது.
ஐபிஎல் தொடரில் இன்று நடைபெற்ற 69-வது போட்டியில் மும்பை இந்தியன்ஸ் – டெல்லி கேபிட்டல்ஸ் அணிகள் மோதியது. மும்பை வான்கடே மைதானத்தில் நடைபெற்ற இந்த போட்டியில் டாஸ் வென்ற மும்பை அணி, பந்துவீச்சை தேர்வு செய்ய, அதன்படி முதலில் பேட்டிங் செய்த மும்பை அணி, 20 ஓவர்கள் முடிவில் டெல்லி கேபிட்டல்ஸ் அணி 7 விக்கெட் இழப்பிற்கு 159 ரன்கள் எடுத்தது. 160 ரன்கள் அடித்தால் வெற்றி என்ற இலக்குடன் மும்பை அணியின் தொடக்க ஆட்டக்காரர்களாக இஷான் கிஷன் – ரோஹித் சர்மா களமிறங்கினார்கள்.
இதில் 2 ரன்கள் அடித்து ரோஹித் சர்மா தனது விக்கெட்டை இழக்க, தேவால்டு களமிறங்கி இஷான் கிஷனுடன் இணைந்தார். இவர்களின் கூட்டணி சிறப்பாக ஆடிவர, 48 ரன்கள் அடித்து இஷான் கிஷன் அவுட் ஆகி அதனை உடைத்தார். அவரைதொடர்ந்து 37 ரன்கள் அடித்து தேவால்டு வெளியேற, பின்னர் களமிறங்கிய திலக் வர்மா 21 ரன்கள் எடுத்தும், அதிரடியாக ஆடிவந்த டிம் டேவிட் 34 ரன்கள் எடுத்து வெளியேறினார்கள்.
இறுதியாக மும்பை அணி 19.1 ஓவர்கள் முடிவில் 5 விக்கெட் இழப்பிற்கு 160 ரன்கள் எடுத்து, 5 விக்கெட் வித்தியாசத்தில் வெற்றிபெற்றது. இதன்மூலம் டெல்லி அணி, தனது பிளே ஆப்ஸ் வாய்ப்பை இழந்து வெளியேறி காத்திருப்பு பட்டியலில் இருந்த பெங்களூர் அணி பிளே ஆப்ஸ் சுற்றுக்கு தகுதிபெற்றது.
