14.3 C
London
Friday, September 24, 2021

அறிமுகத்திற்கு முன்னதாக வெளியான ரியல்மி பேட் கேமரா மற்றும் பேட்டரி விவரக்குறிப்புகள்..!

ரியல்மி பேட் கேமரா மற்றும் பேட்டரி விவரக்குறிப்புகள் அதிகாரப்பூர்வமான அறிவிப்புக்கு முன்னதாகவே வெளியாகியுள்ளன.

பிரபல ஸ்மார்ட்போன் தயாரிப்பு நிறுவனங்களில் ஒன்றான ரியல்மி (Realme) நிறுவனத்தின், முதல் டேப்லெட் மற்றும் ரியல்மி பேட்(Realme Pad), இந்த ஆண்டில் எப்போதாவது வருகிறது என்று ஸ்மார்ட்போன் பிரியர்கள் மிகவும் ஆவலுடன் இருந்தனர்.

இந்நிலையில்,அதிகாரப்பூர்வமாக வெளிவிடுவதற்கு முன்னதாகவே,ரியல்மி ஆண்ட்ராய்டு டேப்லெட்டின் சில முக்கிய விவரக்குறிப்புகள் வெளியாகியுள்ளன.அதன்படி,ரியல்மி பேட்,முன் மற்றும் பின் பக்கங்களில் 8 மெகாபிக்சல் கேமராவை கொண்டிருக்கும்,இதனால் முன்னெப்போதையும் விட வீடியோ கால் பேச,மக்களுக்கு இது பயனுள்ளதாக இருக்கும் என்றும்,மேலும்,மக்கள் டேப்லெட்களை அதிகம் பயன்படுத்துவதால், 7000 எம்ஏஎச் பேட்டரி வசதியைக் கொண்டிருக்கும் என்று தெரிவிக்கப்பட்டுள்ளது.

நீண்ட காலம் நீடிக்கும்:

ரியல்மி பேட்,முன் கேமரா ஆட்டோஃபோகஸுக்கு பதிலாக நிலையான-ஃபோகஸாக இருக்கும்.மேலும்,7000mAh பேட்டரியையும் கொண்டிருப்பதால் டேப்லெட் நீண்ட காலம் நீடிக்கும் என எதிர்பார்க்கப்படுகிறது.

ஆப்பிள் ஐபாட்டுடன் போட்டி:

இதற்கிடையில்,ரியல்மி பேட் ஆனது ஆப்பிள் ஐபாட் போன்று தட்டையான பக்கங்களுடன் சுற்றி ஒரு உலோக பூச்சு பூசப்பட்டு, பின்புறத்தில் ஒரு கேமரா மட்டுமே இருப்பதைக் காட்டியுள்ளன.இதனால்,ரியல்மி பேட் ஆப்பிள் ஐபாடிற்கு நேரடி போட்டியாக இருக்கும் என்று தெரிகிறது.

வெளியீடு:

மீண்டும் ஐரோப்பிய சந்தைக்கான தனது GT 5G மாடல் ஆண்ட்ராய்டு போன் வெளியீட்டு நிகழ்வில்,ரியல்மி இந்த ஆண்டு ரியல்மி பேட் ஐ அறிமுகப்படுத்துவதாக ஏற்கனவே கூறியது.அதன்படி,டேப்லெட் மட்டுமல்லாமல், நிறுவனம் ‘ரியல்மி புக்’ என்று அழைக்கப்படும்,தனது முதல் லேப்டாப் தயாரிப்பிலும் ஈடுபட்டுள்ளது.

இதனால்,ரியல்மி பேட் மற்றும் ரியல்மி புக் ஒரே நேரத்தில் விற்பனைக்கு வரக்கூடும் என்று எதிர்பார்க்கப்படுகிறது.ஆனால்,தேதி குறித்து தகவல் வெளியாகவில்லை.

spot_imgspot_img

Hot Topics

Read More