இந்திய – இங்கிலாந்து அணிகளுக்கு இடையேயான 4 டெஸ்ட் போட்டிகளை கொண்ட தொடரில் முதல், இரண்டு போட்டிகள் சென்னை சேப்பாக்கம் மைதானத்தில் நடைபெற்றது. முதல் போட்டியில் இங்கிலாந்து வெற்றி பெற்ற நிலையில், 2-வது போட்டியில் வெற்றிபெறவேண்டும் என்ற முனைப்புடன் விளையாடிய இந்திய அணி 317 ரன்கள் வித்தியாசத்தில் அபார வெற்றி பெற்றுள்ளது.
இதனால், இரு அணிகளும் 1-1 என்ற கணக்கில் சம நிலையில் உள்ளனர். இந்நிலையில், தோனி தலைமையிலான இந்திய அணி சொந்த மண்ணில் 21 டெஸ்ட் வெற்றிகள் என்ற சாதனையை கோலி சமன் செய்துள்ளார். 33 டெஸ்ட் போட்டிகளில் தலைமை தாங்கிய கோலி 21 போட்டிகளில் வெற்றி வாகை சூடியுள்ளார்.
