கேஜிஎப் திரைப்படத்தின் முதல் பாகத்தின் வெற்றியை தொடர்ந்து இரண்டாவது பாகம் (கேஜிஎப்2) 100 கோடி பட்ஜெட்டில் உருவாக்கப்பட்டது. இந்த படத்தையும் இயக்குனர் பிரசாத் நீல் தான் இயக்கினார். இப்படத்தில் நடிகர் யாஷ் உடன் சஞ்சய் தத், ரவீனா டாண்டன், ஸ்ரீநிதி ஷெட்டி, பிரகாஷ் ராஜ் மற்றும் பல பிரபல நடிகர்கள் இணைந்து நடித்துள்ளனர்.
பலத்த எதிர்பார்ப்புக்கு மத்தியில் இந்த படம் கடந்த 14-ஆம் தேதி உலகம் முழுவதும் திரையரங்குகளில் வெளியானது. படத்தை பார்த்த அணைத்து ரசிகர்களும் படம் மிகவும் அருமையாக இருக்கிறது. படத்தின் மூன்றாம் பாகத்திற்கு வெயிட்டிங் என கூறிவருகிறார்கள்.
இந்த நிலையில், படம் வெளியாகி 6-நாட்கள் ஆன நிலையில், உலகம் முழுவதும் எவ்வளவு வசூல் செய்துள்ளது என்ற தகவல் கிடைத்துள்ளது. அதன்படி, இந்த படம் உலகம் முழுவதும் தற்போது வரை 600 கோடி வசூல் செய்துள்ளதாக தகவல்கள் வெளியாகியுள்ளது. வரும் நாட்களில் இன்னும் அதிகமாக வசூல் செய்து பல திரைப்படங்களின் வசூல் சாதனையை முறியடிக்கும் என எதிர்பார்க்கப்படுகிறது.
