விக்ரம் படத்தில் நடிகர் கமல்ஹாசன் கண் பார்வையற்றவராக நடித்துவருவதாக தகவல்கள் வெளியாகியுள்ளது. 

இயக்குனர் லோகேஷ் கனகராஜ் இயக்கத்தில் நடிகர் கமல்ஹாசன் நடித்து வரும் திரைப்படம் “விக்ரம்”. இந்த திரைப்படத்தில் நடிகர் விஜய்சேதுபதி மற்றும் பஹத்பாசில் இருவரும் முக்கியமான கதாபாத்திரத்தில் நடித்துவருகிறார்கள். இந்த திரைப்படத்தின் ஃபர்ஸ்ட் லுக் போஸ்டர் கடந்த ஜூலை மாதம் 10- ஆம் தேதி வெளியாகி ரசிகர்களுக்கு மத்தியில், நல்ல வரவேற்பை பெற்றது. படத்திற்கான படப்பிடிப்பு விறுவிறுப்பாக நடைப்பெற்று வருகிறது.

இந்த நிலையில், தற்போது கிடைத்த தகவல் என்னவென்றால், இந்த திரைப்படத்தில் நடிகர் கமல்ஹாசன் கண் பார்வையற்றவராக நடித்துள்ளதாக தகவல்கள் வெளியாகியுள்ளது. இதற்கு முன் வெளியிடப்பட்ட டைட்டில் டீசரில் விக்ரம் குக்கர் விசில் சத்தம் கேட்டவுடன் கண்ணை திறப்பார். இதனால் விக்ரம் படத்தில் கமல் பார்வையற்றவராக நடித்துள்ளதாக சமூக வலைத்தளத்தில் செய்திகள் பரவி வருகிறது. இதற்கு முன்பு கமல்ஹாசன் 1981-ஆம் ஆண்டு வெளியான ராஜ பார்வை படத்தில் கண் பார்வையற்றவராக நடித்திருந்தார் என்பது குறிப்பிடத்தக்கது.

இந்த திரைபடத்தை நடிகர் கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். படத்திற்கு இசையமைப்பாளர் அனிருத் இசையமைத்து வருகிறார். விரைவில் படத்திற்கான மற்ற அறிவிப்புகள் வெளியாகும் என்று எதிர்பார்க்கப்படுகிறது.

பால முருகன்

நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

See Full Bio