ஆசிய பேட்மிண்டன் சாம்பியன்ஷிப் போட்டியில் இந்தியாவின் பிவி சிந்துக்கு வெண்கலம் பதக்கம்.
ஆசிய பேட்மிண்டன் சாம்பியன்ஷிப் தொடரில் நேற்று நடைபெற்ற காலியிறுதி போட்டியில் மகளிர் ஒற்றையர் பிரிவில் பங்கேற்று விளையாடிய இந்திய வீராங்கனை பி.வி சிந்து, சீன வீராங்கனை ஹீ பிங்ஜியாவோவை வீழ்த்தி அரையிறுதிக்கு முன்னேறியிருந்தார். இந்த வெற்றியின் மூலம் ஆசிய சாம்பியன்ஷிப்பில் பதக்கம் வெல்வதை உறுதி செய்திருந்தார். சீன வீராங்கனையை 21-9, 13-21, 21-19 என்ற செட் கணக்கில் வீழ்த்தியிருந்தார்.
இந்த நிலையில், மிகவும் எதிர்பார்ப்பில்இன்று நடைபெற்ற ஆசிய பேட்மிண்டன் சாம்பியன்ஷி தொடரின் அரையிறுதி போட்டியில் மகளிர் ஒற்றையர் பிரிவில் இந்திய வீராங்கனை பிவி சிந்து, ஜப்பான் வீராங்கனை அகேன் யமகுச்சியிடம் தோல்வி அடைந்தார். இதன் மூலம் ஆசிய பேட்மிண்டன் சாம்பியன்ஷிப் போட்டியில் இந்தியாவின் பிவி சிந்துக்கு வெண்கலம் பதக்கம் கிடைத்தது. அரையிறுதி போட்டியில் ஜப்பானின் அகேன் யமகுச்சியிடம் 21-13, 19-21, 16-21 என்ற செட் கணக்கில் பிவி சிந்து அதிர்ச்சி தோல்வியடைந்தார்.
