தளபதி விஜய் மாஸ்டர் படத்திற்கு பிறகு ஜில்லா பட இயக்குநரான டி. ஆர். நேசன் என்பவரது இயக்கத்தில் நடிக்க போவதாக தகவல்கள் வெளியாகியுள்ளன.

தளபதி விஜய் தற்போது லோகேஷ் கனகராஜ் இயக்கத்தில் மாஸ்டர் என்னும் திரைப்படத்தில் நடித்து முடித்துள்ளார். விரைவில் இந்த படம் வெளியாகும் என்று எதிர்பார்க்கப்படுகிறது. அதற்காக ரசிகர்கள் செம வெயிட்டிங்கில் உள்ளனர். மேலும் விஜய்யின் 65வது படத்தை இயக்க போவது யாரு என்ற சர்ச்சை நிலவி வந்த நிலையில், இயக்குநர் முருகதாஸ் தான் துப்பாக்கி படத்தின் இரண்டாம் பாகத்தை எடுக்க போவதாகவும் தகவல் வெளியானது.மேலும் இந்த படத்தை சன் பிக்சர்ஸ் நிறுவனம் தயாரிப்பதாகவும், எஸ். தமன் இசையமைக்கவுள்ளதாகவும், சந்தோஷ் சிவன் ஒளிப்பதிவு செய்வதாகவும் கூறப்பட்டது.

இந்த நிலையில் தற்போது விஜய்யின் அடுத்த படத்தை விஜய்யின் ஜில்லா படத்தை இயக்கிய டி. ஆர். நேசன் இயக்க போவதாக தகவல்கள் வெளியாகியுள்ளது. 6 ஆண்டுகளுக்கு பிறகு மீண்டும் இணையும் இந்த கூட்டணி குறித்து வெளியான தகவல் உண்மையா என்பது அதிகாரப்பூர்வ அறிவிப்பு வெளியானால் தான் தெரிய வரும்.

Ragi

See Full Bio