33 C
Chennai
Tuesday, April 13, 2021

11-ம் வகுப்பிற்கு விண்ணப்பித்த 53 வயதான ஜார்க்கண்ட் கல்வி அமைச்சர் ஜகர்நாத்.!

ஜார்க்கண்ட் மனித வள மேம்பாட்டு துறை அமைச்சர் ஜகர்நாத் மஹ்தோ நெற்றுஒரு கல்லூரியில் 11- ஆம் வகுப்பில் சேர்க்கைக்கு விண்ணப்பித்துள்ளார்.

ஜார்கண்ட் மனித வள மேம்பாட்டு அமைச்சர் ஜகர்நாத் மஹ்தோ நேற்று அரசு கல்லூரியில் 11- ஆம் வகுப்பில் சேர விண்ணப்பித்ததால் அறிவு மற்றும் கற்றலுக்கான வயதுத் தடை எதுவும் இல்லை என்றார்.

53 வயதான அமைச்சர் 25 ஆண்டுகளுக்குப் பிறகு தனது கல்வியை மீண்டும் தொடங்க முடிவு செய்துள்ளதால் போகாரோ மாவட்டத்தில் உள்ள தேவி மஹ்தோ இன்டர் கல்லூரியில் விண்ணப்பம் செய்துள்ளார்.

1995 ஆம் ஆண்டில் அமைச்சர் மெட்ரிகுலேஷன்-10ம் வகுப்பு தேர்வுகளில் தேர்ச்சி பெற்றார். அவர் ஜார்க்கண்டின் மனிதவள மேம்பாட்டு அமைச்சராக நியமிக்கப்பட்டதிலிருந்து பொது மக்களிடமிருந்து விமர்சனங்களை எதிர்கொண்டார். தற்போது தனது கல்வியை மீண்டும் தொடங்க முடிவு செய்தார்.

இந்நிலையில் செய்தியாளர்களிடம் பேட்டியளிக்கையில் நிர்த்தப்பட்டுள்ள எனது கல்வியை மீண்டும் தொடங்குவதற்கு விமர்சனங்கள் தான் என்னைத் தூண்டியது. நான் ஜார்க்கண்டின் கல்வி அமைச்சராக இருந்ததிலிருந்து எனது கல்வித் தகுதி குறித்து ஒரு பகுதியினர் பேச தொடங்கினர் பின்னர் எனது படிப்பை மீண்டும் தொடங்கத் தீர்மானித்தேன் எனறார்.

Latest news

Related news