லோகேஷ் கனகராஜ் இயக்கும் அடுத்த தெலுங்கு படத்திற்கு மாஸ்டர் படத்திற்காக வாங்கிய சம்பளத்தை விட நான்கு மடங்கு அதிகம் பேசப்பட்டுள்ளதாக கூறப்படுகிறது.

மாநகரம் என்ற படத்தின் மூலம் தமிழ் சினிமாவில் அறிமுகமான லோகேஷ் கனகராஜ்,பிளாக் பஸ்டர் ஹிட்டான கைதி படத்தின் மூலம் சினிமாயுலகில் பிரபலமானார் என்றே கூறலாம். சிறிய பட்ஜெட்டில் பிளாக் பஸ்டர் படங்களை கொடுப்பவர். தற்போது தளபதி விஜய் அவர்களை வைத்து மாஸ்டர் என்னும் திரைப்படத்தை இயக்கி முடித்துள்ளார். விஜய் சேதுபதி வில்லனாக நடிக்கும் இந்தப் படத்தை பார்க்க ரசிகர்கள் பலர் எதிர்பார்த்து காத்திருக்கின்றனர். இதன் மூலம் லோகேஷ் கனகராஜ் கோலிவுட் சினிமாவின் பிரபல இயக்குநர்களில் ஒருவராக வலம் வருவார் என்று எதிர்பார்க்கப்படுகிறது.

மாஸ்டரை அடுத்து லோகேஷ் கனகராஜ் ரஜினிகாந்த் அவர்களை வைத்து படம் ஒன்றை இயக்க போவதாகவும், ‘தலைவர்169’ என்று பெயரிடப்பட்டுள்ள இந்த படத்தை கமல்ஹாசன் அவர்களின் தயாரிப்பு நிறுவனமான ராஜ் கமல் பிலிம்ஸ் இன்டர்நேஷனல் தயாரிக்க இருப்பதாகவும் கூறப்பட்டது. ஆனால் தற்போது லோகேஷ் தெலுங்கின் முன்னணி நடிகர் நடிக்கும் படத்தை இயக்கவுள்ளதாகவும், அதனை மைத்ரி மூவீ மேக்கர்ஸ் நிறுவனம் தயாரிப்பதாகவும்,இந்த படம் தமிழ் மற்றும் தெலுங்கில் உருவாக்கவுள்ளதாகவும் கூறப்படுகிறது.

இந்த நிலையில் தற்போது லோகேஷ் கனகராஜ் மாஸ்டர் படத்திற்காக வாங்கிய சம்பளத்தை விட நான்கு மடங்கு அதிக சம்பளம் வழங்கவுள்ளதாக கூறப்படுகிறது. மாஸ்டர் படத்திற்காக 1.5 கோடி வாங்கிய நிலையில் தற்போது இந்த படத்தின் அட்வான்ஸாக 1. 5 கோடி ரூபாய் வாங்கிவிட்டாராம். அப்போது படத்திற்காக மொத்த சம்பளம் 1.5கோடியை விட நான்கு மடங்கு என்று கூறப்படுகிறது.