தல அஜித்தின் வலிமை படத்தை பான் – இந்தியா திரைப்படமாக உருவாக்கவுள்ளதாக தகவல்கள் வெளியாகியுள்ளன.
தல அஜித் குமார் தற்போது இவர் எச். வினோத் இயக்கத்தில் வலிமை என்னும் திரைப்படத்தில் நடித்து வருகிறார்.இந்த படத்தை போனி கபூர் தயாரிக்கிறார். மேலும் அஜித் அவர்கள் போலீஸ் அதிகாரியாக நடிக்கிறார் . மேலும் ஹேமா குரேஷி, கார்த்திகேயா, யோகிபாபு உள்ளிட்ட பலர் முக்கிய வேடங்களில் நடிப்பதாக தகவல்கள் மட்டுமே வெளியானதை ஒழிய அதிகாரப்பூர்வ அறிவிப்பு வெளியாகவில்லை என்பது குறிப்பிடத்தக்கது. தற்போது கொரோனா வைரஸ் காரணமாக படப்பிடிப்புகள் ரத்து செய்யப்பட்டுள்ள நிலையில், விரைவில் கொரோனா தொற்று முடிவுக்கு வந்ததும் படப்பிடிப்பு ஆரம்பிக்கப்படும் என்று கூறப்படுகிறது.
இந்த நிலையில் தற்போது வலிமை படத்தை பான் – இந்தியா திரைப்படமாக உருவாக இருப்பதாக தகவல்கள் வெளியாகியுள்ளன. அதாவது தமிழில் மட்டும் உருவாகி வரும் வலிமை படத்தை தேர்ந்த டப்பிங் கலைஞர்களை வைத்து இந்தி மட்டுமில்லாமல் பல தென்னிந்திய மொழிகளில் டப்பிங் செய்ய தயாரிப்பாளர் முடிவு செய்துள்ளதாகவும், அதற்கான பணிகள் படப்பிடிப்பு முடிந்ததும் ஆரம்பிக்கப்படும் என்றும் கூறப்படுகிறது.
