இந்தியா-நியூசிலாந்து இடையேயான மூன்றாவது ஒருநாள் போட்டியில் நியூசிலாந்து அணி டாஸ் வென்று பந்து வீச முடிவு செய்துள்ளது.
நியூசிலாந்து அணி, இந்தியாவில் சுற்றுப்பயணம் செய்து 3 ஒருநாள் மற்றும் 3 டி-20 போட்டிகளில் விளையாடுகிறது. இந்தியா-நியூசிலாந்து அணிகள் மோதும் இரண்டாவது ஒருநாள் போட்டி ராய்ப்பூரில் நடைபெற்றது. இதில் இந்திய அணி 20.1 ஓவர்களில் 111 ரன்கள் எடுத்து 8 விக்கெட் வித்தியாசத்தில் வெற்றி பெற்றது.
இந்நிலையில் இந்தியா-நியூசிலாந்து இடையே மூன்றாவது ஒரு நாள் போட்டி இன்று மத்தியப் பிரதேசத்தில் உள்ள ஹோல்கர் மைதானத்தில் தொடங்கியுள்ளது. இரு அணிகளுக்கான மூன்றாவது ஒருநாள் போட்டியில் நியூசிலாந்து அணி டாஸ் வென்று இந்தியாவிற்கு எதிராக பந்துவீச உள்ளது. விளையாட தேர்வு செய்யப்பட்ட இரு அணிகளின் விவரம் கீழே கொடுக்கப்பட்டுள்ளது.
இந்தியா (பிளேயிங் லெவன்): ரோஹித் சர்மா (கேப்டன்), சுப்மான் கில், விராட் கோலி, இஷான் கிஷன் (W), சூர்யகுமார் யாதவ், ஹர்திக் பாண்டியா, வாஷிங்டன் சுந்தர், ஷர்துல் தாக்கூர், குல்தீப் யாதவ், யுஸ்வேந்திர சாஹல், உம்ரான் மாலிக்
நியூசிலாந்து (பிளேயிங் லெவன்): ஃபின் ஆலன், டெவோன் கான்வே, ஹென்றி நிக்கோல்ஸ், டேரில் மிட்செல், டாம் லாதம் (கேப்டன் மற்றும் W), க்ளென் பிலிப்ஸ், மைக்கேல் பிரேஸ்வெல், மிட்செல் சான்ட்னர், ஜேக்கப் டஃபி, லாக்கி பெர்குசன், பிளேர் டிக்னர்
