இதோ நான் வந்துட்டேன். நீங்களும் வேலையை தொடங்குங்கள். நாமே தீர்வு, வேலையை ஆரம்பிக்கலாமா ? என்று கேள்வி எழுப்பிய பிக்பாஸ் சீசன் 4-யின் ப்ரோமோ வீடியோ.

ஹிந்தி மற்றும் தெலுங்கு பிக்பாஸ் நிகழ்ச்சிகளின் புரோமோ அண்மையில் வெளியாகி அம்மொழி ரசிகர்களிடையே பெரும் வரவேற்பை பெற்றது. இதனையடுத்து தமிழ் பிக்பாஸ் சீசன் 4 எப்போது துவங்கும் என்ற எதிர்பார்ப்பு பார்வையாளர்கள் மத்தியில் எழுந்தது. இந்நிலையில், தமிழ் பிக்பாஸ் சீசன் 4-யின் அசத்தலான ப்ரோமோவை விஜய் டிவி தற்போது வெளியிட்டுள்ளது. அதில், மூன்று சீசன் தொகுத்து வழங்கிய கமல்ஹாசன் 4 ஆவது சீசனுக்கான ப்ரோமோவை அவரது ட்விட்டர் பக்கத்திலேயே பகிர்ந்துள்ளார்.

அந்த ப்ரோமோ வீடியோவில், தோன்றும் கமல்ஹாசன், கொரோனா நோய் ஆபத்தானது தான், ஜாக்கிரதையாக இருக்க வேண்டும் தான், அதற்காக வீட்டிலேயே வேலையில்லாமல் இருக்க முடியாது என்றும் உலக சுகாதார அமைப்பின் அறிவுறுத்தலின் படி பாதுகாப்பாக இருப்போம் என்று கூறியுள்ளார். இதோ நான் வந்துட்டேன். நீங்களும் உங்கள் வேலையை தொடங்குங்கள். நம்மை நம்பி இருப்பவர்களை வாழவையுங்கள், நாமே முன்னெடுப்போம் ஒரு புதிய தொடக்கத்தை, புதிய எதார்த்தத்தை, புதிய வாழ்க்கையை, நாமே தீர்வு என்று கூறி, வேலையை ஆரம்பிக்கலாமா ? என்று கேள்வி எழுப்பியுள்ளார். மேலும், பிக்பாஸ் விரைவில் என்ற அறிவிப்பும் அதில் தெரிவிக்கப்பட்டுள்ளது.

நாமே தீர்வு pic.twitter.com/sUQDiEOpmo

— Kamal Haasan (@ikamalhaasan) August 27, 2020

பாலா கலியமூர்த்தி

நான் பாலா கலியமூர்த்தி, இயந்திரவியல் துறையில் இளங்கலை பொறியியல் பட்டம் பெற்றுள்ளேன். கடந்த 4 ஆண்டுகளாக தினசுவடு டிஜிட்டல் ஊடகத்தில் பணியாற்றி வருகிறேன். அங்கு, அரசியல், விளையாட்டு, சினிமா மற்றும் க்ரைம் செய்திகள் ஆகியவற்றை அளித்து வருகிறேன்

See Full Bio