விக்ரம் நடிப்பில் உருவாகி வந்த திரைப்படம் துருவ நட்சத்திரம் படத்தில் முதன் முதலாக நடிகர் ரஜினி தான் நடிக்கவிருந்தார் என்று இயக்குனர் கெளதம் வாசுதேவ் மேனன் கூறியுள்ளதாக தகவல்.
இயக்குனர் கெளதம் வாசுதேவ் மேனன் இயக்கத்தில் கடந்த 2017 ஆம் ஆண்டு நடிகர் விக்ரம் நடிப்பில் உருவாகி வந்த திரைப்படம் துருவ நட்சத்திரம். இந்த திரைப்படத்தில் பார்த்திபன், ராதிகா, சிம்ரன், திவ்யதர்ஷினி உள்ளிட்ட பல பிரபலங்கள் நடித்துள்ளனர். இந்த படத்தில் இசையமைப்பளார் ஹரிஷ் ஜெயராஜ் இசையமைத்துள்ளார். கடந்த 2017 ஆண்டே தொடங்க பட்ட இந்த படத்திற்கான படப்பிடிப்பு இன்னும் முடியவில்லை. இதனால் மீதமுள்ள பட காட்சிகளை இந்தாண்டு முடித்து விரைவில் இந்த படத்தை திரைக்கு கொண்டுவர இயக்குனர் கௌதம் வாசுதேவ் மேனன் திட்டமிட்டிருப்பதாக கூறப்படுகிறது.
இந்த நிலையில் சமீபத்தில் அளித்துள்ள பேட்டி ஒன்றில் இயக்குனர் கெளதம் வாசுதேவ் மேனன் சில முக்கியமான விஷியங்களை கூறினார். அதில் முக்கியமாக துருவநட்சத்திரம் படத்தில் முதன் முதலாக நடிகர் ரஜினி தான் நடிக்கவிருந்தார் என்றும், ஆனால் எதிர்பாராமல் நடைபெறவில்லை அவரை இயக்கும் வாய்ப்பு எனக்கு கிடைத்தால் எமோஷ்னல் படம் எடுக்க திட்டமிட்டுள்ளேன் என்றும் கூறியுள்ளார்.
