நீண்ட இடைவெளிக்குப் பிறகு கங்கை அமரன் இயக்குநர் ஹரி இயக்கத்தில் உருவாகும் AV33 படத்தில் முக்கியமான கதாபாத்திரத்தில் நடித்து வருகிறார்.
நடிகர் அருண் விஜய் தனது 33-வது படத்தில் நடித்து வருகிறார். இயக்குனர் ஹரி இந்த திரைப்படத்தை இயக்குகிறார். இந்த திரைப்படத்தை ட்ரம்ஸ்டிக்ஸ் புரொடக்ஷன்ஸ் தயாரிக்கிறது. படத்தில் அருண் விஜய்க்கு ஜோடியாக நடிகை பிரியா பவானி ஷங்கர் நடிக்கிறார்.
படத்தில், நடிகர் பிரகாஷ்ராஜ் ,யோகி பாபு, கேஜிஎஃப் பிரபலமான ராமசந்திரராஜூ , ராதிகா சரத்குமார், ஜெயபாலன்,குக் வித் கோமாளி புகழ், அம்மு அபிராமி ராஜேஷ் மற்றும் இமான் அண்ணாச்சி போன்ற பல பிரபலங்கள் நடிக்கின்றார்கள். படத்திற்கு இசையமைப்பாளர் ஜிவி பிரகாஷ் இசையமைத்து வருகிறார்.
இந்த திரைப்படத்தின் படப்பிடிப்பு காரைக்குடியில் நடந்து வருகிறது. இந்த நிலையில், இந்த திரைப்படத்தில் இசையமைப்பாளரும், பாடலாசிரியரும், நடிகருமான கங்கை அமரன் முக்கியமான கதாபாத்திரத்தில் நடித்து வருகிறார். 2016ல் வெளிவந்த சென்னை 600028 – 2 படத்தில் கவுரவ வேடத்தில் நடித்திருந்தார் என்பது குறிப்பிடத்தக்கது.
