ஆந்திர முதல்வர் ஜெகன் மோகன் ரெட்டி அவர்கள் இரண்டு நாள் பயணமாக கடப்பா மாவட்டத்திற்கு பயணம் மேற்கொண்டார். அங்கு பல்வேறு பகுதிகளில் நலத்திட்ட உதவிகளை தொடங்கி வைத்த நிலையில், கடப்பாவில் உள்ள விளையாட்டு மைதானத்தில் மேம்படுத்துவது தொடர்பாக ஆய்வு மேற்கொள்ள சென்றார்.
அப்போது அந்த மைதானத்தில் இளைஞர்கள் கிரிக்கெட் விளையாடிக் கொண்டு இருந்துள்ளனர். திடீரென்று ஜெகன்மோகன் ரெட்டி அவர்களுடன் இணைந்து கிரிக்கெட் விளையாட தொடங்கியுள்ளார். எம்எல்ஏ அபினேஷ் ரெட்டி பந்துவீச ஜெகன்மோகன் ரெட்டி பேட்டிங் செய்துள்ளார். ஆய்வு பணிக்காக வந்த முதல்வர் ஜெகன் மோகன் ரெட்டி கிரிக்கெட் விளையாடியது பொதுமக்களையும், கட்சித் தொண்டர்களையும் உற்சாகத்தில் ஆழ்த்தியுள்ளது.
