பேஸ்புக்கின் தலைமை தொழில்நுட்ப அதிகாரி மைக் ஷெக்ரோப்பர் பதவி விலகுவதாக அறிவித்துள்ளார்.
பேஸ்புக்கின் தலைமை தொழில்நுட்ப அதிகாரி மைக் ஷெக்ரோப்பர் தனது பதவியில் இருந்து விலகுவதாக அவரது பேஸ்புக் பக்கத்தில் தெரிவித்துள்ளார். இவர் வருகிற 2022 ஆம் ஆண்டில் பதவி விலகி, முதல் மூத்த உறுப்பினராக பகுதி நேர பணியில் ஈடுபட உள்ளதாக தெரிவித்துள்ளார்.
இது குறித்து அவர் தெரிவித்துள்ளதாவது, பேஸ்புக்கை அதிகம் நேசிக்கும் எனக்கு இது நிச்சயம் கடினமான முடிவு தான். இதன் மூலம் குடும்பத்துடனும், சேவை முயற்சிகளிலும் ஈடுபட எனக்கு நேரம் கிடைக்கும். தற்போதுள்ள பேஸ்புக் விர்ச்சுவல் ரியாலிட்டி லேப்ஸின் துணைத்தலைவராக இருக்கும் ஆண்ட்ரூ போஸ்வொர்த் அடுத்ததாக தலைமை தொழில்நுட்ப அதிகாரி பொறுப்பில் பதவி வகிக்க உள்ளார்.
மேலும், பேஸ்புக்கின் மூத்த உறுப்பினராக பணியாற்றுவதில் மிகுந்த பெருமை அடைகிறேன் என்று தெரிவித்துள்ளார். இதனை அடுத்து, போஸ்வொர்த் தலைமையின் மேல் மிகுந்த நம்பிக்கை கொண்டுள்ளேன் என்றும் கூறியுள்ளார்.
