28 C
Chennai
Monday, October 25, 2021

போட்டித் தேர்வுக்கு விண்ணப்பிக்கும் கால அவகாசம் நீட்டிப்பு – ஆசிரியர் தேர்வு வாரியம் அறிவிப்பு!

காலிப்பணியிடங்களுக்கு இணையவழி விண்ணப்பங்கள் பெறுவதற்கான கடைசி தேதி 17 லிருந்து 31ம் தேதி வரை நீட்டிப்பு.

முதுகலை ஆசிரியர், உடற்கல்வி இயக்குநர், கணினி பயிற்றுநர் பணியிடங்களை நிரப்ப அறிவிக்கப்பட்டுள்ள போட்டித்தேர்வுக்கு விண்ணப்பிக்கும் அவகாசம் 17-ம் தேதியுடன் முடிவடையும் நிலையில், வரும் 31-ம் தேதி வரை நீடிக்கப்படுகிறது என்று ஆசிரியர் தேர்வு வாரியம் அறிவித்துள்ளது.

இதுகுறித்த அறிவிப்பில், ஆசிரியர் தேர்வு வாரியம் மூலம் 2020-21 ஆம் கல்வி ஆண்டிற்கான முதுகலை, உடற்கல்வி இயக்குனர் நிலை -1 மற்றும் கணினி பயிற்றுநர் நிலை -1 ஆகிய காலி பணியிடங்களுக்கு போட்டித்தேர்வு மூலம் நேரடி நியமனம் செய்வதற்கு கடந்த மாதம் 9ம் தேதி முதல் வெளியிடப்பட்டு விண்ணப்பங்கள் இணைய வாயிலாக 18ம் தேதி முதல் பெறப்பட்டு வருகின்றன.

தமிழ் வழி பயின்றோருக்கான சான்றிதழ் சார்ந்து மென்பொருள் மாற்றம் செய்ய வேண்டியுள்ளதாலும் மேலும் பல்வேறு விண்ணப்பதாரர்களின் வேண்டுகோளுக்கு இணங்க மேற்கண்ட காலிப்பணியிடங்களுக்கு இணையவழி விண்ணப்பங்கள் பெறுவதற்கான கடைசி தேதி 17 லிருந்து 31ம் தேதி மாலை 5 மணி வரை நீடிக்கப்படுகிறது என அறிவிக்கப்பட்டுள்ளது.

spot_imgspot_img

Hot Topics

Read More