சிகிச்சை பெற்ற நோயாளியின் பில்லை மருத்துவமனை  தள்ளுபடி செய்து அவருக்கு இலவச டிக்கெட் மற்றும் ரூ .10,000 வழங்கப்பட்டது.

துபாயில் உள்ள ஒரு மருத்துவமனையில் கொரோனாவுக்கு சிகிச்சை பெற்ற பின்னர் ராஜேஷ் தெலுங்கானாவில் உள்ள தனது சொந்த ஊருக்கு திருப்பி அனுப்பப்பட்டார். இவரது மருத்துவமனை பில்லை தள்ளுபடி செய்யப்பட்டு அவருக்கு இலவச டிக்கெட் மற்றும் ரூ .10,000 வழங்கப்பட்டது.

தெலுங்கானாவின் ஜக்தியல் மாவட்டத்தின் கோல்லப்பள்ளி மண்டலத்தில் உள்ள வேணுகுமட்லா கிராமத்தைச் சேர்ந்த ஒட்னாலா ராஜேஷ் கடந்த ஏப்ரல்-23 ஆம் தேதி ஐக்கிய அரபு எமிரேட்ஸின் துபாயில் உள்ள ‘துபாய் மருத்துவமனையில்’ சில உடல்நலக்குறைவால் அனுமதிக்கப்பட்டார். மேலும் கொரோனா வைரஸுக்கு சாதகமாக பரிசோதிக்கப்பட்டார். 80 நாட்கள் சிகிச்சையின் பின்னர் குணமடைந்த ராஜேஷ் மருத்துவமனையால் டிஸ்சார்ஜ் செய்யப்பட்டு (ரூ. 1 கோடி 52 லட்சம்)  பில்லை கொடுத்துள்ளார் .

துபாயில் உள்ள தொழிலாளர் பாதுகாப்பு சங்கத்தின் தலைவர் குண்டெல்லி நரசிம்ம, தொழிலாளியை மருத்துவமனையில் அனுமதித்து. அவரை தவறாமல் பார்வையிட்டார், இந்த விஷயத்தை துபாயில் உள்ள இந்திய துணைத் தூதரகம் சுமந்த் ரெட்டியின் கவனத்திற்குக் கொண்டுவந்தார்.

ஏழை தொழிலாளிக்கு உதவுமாறு துபாயில் உள்ள இந்திய துணைத் தூதரகத்தின் தூதர் (தொழிலாளர்) ஹர்ஜீத் சிங், பிஏபிஎஸ் சுவாமிநாராயண் அறக்கட்டளையின் தன்னார்வலர் சுமந்த் ரெட்டி மற்றும் அசோக் கோடெச்சாவிடம் கோரிக்கை விடுத்தார். தூதரக அதிகாரி ஹர்ஜீத் சிங் துபாய் மருத்துவமனை நிர்வாகத்திற்கு ஒரு கடிதம் எழுதினார். அவர்கள் மனிதாபிமான அடிப்படையில் பில்லை தள்ளுபடி செய்யுமாறு கேட்டுக்கொண்டனர். அவர்கள் சாதகமாக பதிலளித்து பில்லை தள்ளுபடி செய்து நோயாளியை வெளியேற்றினர்.

அசோக் கோடெச்சா நோயாளி ஒட்னாலா ராஜேஷ் மற்றும் அவரது துணை தியாவரா கங்கையா ஆகியோருக்கு இலவச விமான டிக்கெட்டுகளை வழங்கினார். மேலும் செலவுகளுக்கு ரூ .10,000 கொடுத்தனர். நோயாளி மற்றும் துணை ஜூலை 14 ஆம் தேதி துபாயில் இருந்து ஹைதராபாத்திற்கு ஏர் இந்தியா விமானம் மூலம் அனுப்பிவைக்கப்பட்டது.

இரவு ஹைதராபாத் விமான நிலையத்தை அடைந்த பின்னர், தெலுங்கானா என்ஆர்ஐ அதிகாரி இ.சிட்டிபாபு 14 நாள் வீட்டு தனிமைப்படுத்தலுக்கு அனுமதி வழங்கினார். பின் நோயாளியை அவரது குடும்ப உறுப்பினர்களிடமும் ஒப்படைத்து அவரை மீண்டும் தனது சொந்த கிராமத்திற்கு அனுப்பினார்.

கெளதம்

நான் கௌதம், வணிகவியல் இளங்கலை பட்டம் முடித்திருக்கிறேன். டிஜிட்டல் செய்தி ஊடகத்தின் மீது ஆர்வம் கொண்ட காரணத்தினால் கடந்த 4 ஆண்டுகளாக தினச்சுவடு ஊடகத்தில் சினிமா, உலக செய்திகள், க்ரைம், லைப் ஸ்டைல், பொதுச் செய்திகள் எழுதிய அனுபவம்.

See Full Bio