டாக்டர் படத்தின் டிரைலர் வருகின்ற மார்ச் 12 ஆம் தேதி வெளியீடவுள்ளதாக தகவல்கள் வெளியாகியுள்ளது.
இயக்குனர் நெல்சன் திலீப் குமார் இயக்கத்தில் நடிகர் சிவகார்த்திகேயன் நடிப்பில் உருவாகியுள்ள திரைப்படம் டாக்டர். இசையமைப்பாளர் அனிருத் இசையமைத்துள்ள இந்த படத்தில் சிவகார்த்திகேயனுக்கு ஜோடியாக பிரியங்கா அருள் மோகன் நடிக்கிறார்.மேலும் யோகி பாபு ,வினய் உள்ளிட்ட பலர் நடித்துள்ள இந்த படத்திலிருந்து செல்லம்மா மற்றும் நெஞ்சமே ஆகிய பாடல்கள் வெளியாகி பெரும் வரவேற்பை பெற்றது.
இந்த நிலையில் அதனை தொடர்ந்து கடந்த 3 ஆம் தேதி இந்த டாக்டர் திரைப்படம் மார்ச் மாதம் 26 ஆம் தேதி வெளியாகும் என்று அறிவிப்பு வெளியானது. இந்த அறிவிப்பு சிவகார்த்திகேயன் ரசிகர்களுக்கு உற்சாகத்தை ஏற்படுத்தியது. இதனை தொடர்ந்து படத்திற்கான டிரைலர் எப்போது என்று ரசிகர்கள் கேள்வி எழுப்பி வருகிறார்கள்.
அந்த வகையில் தற்போது இந்த படத்திற்கான டிரைலர் குறித்த அப்டேட் பற்றிய தகவல் ஒன்று கிடைத்துள்ளது. ஆம் இந்த படத்திற்கான டிரைலர் மார்ச் 12 ஆம் தேதி வெளியீடவுள்ளதாக தகவல்கள் வெளியாகியுள்ளது. இதனை குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
