விக்ரம் படத்தில் நடிகர் பஹத்பாசில் விஞ்ஞானியாக நடித்துவருவதாக தகவல்கள் வெளியாகியுள்ளது.
இயக்குனர் லோகேஷ் கனகராஜ் இயக்கத்தில் நடிகர் கமல்ஹாசன் நடித்து வரும் திரைப்படம் “விக்ரம்”. இந்த திரைப்படத்தில் நடிகர் விஜய்சேதுபதி மற்றும் பஹத்பாசில் இருவரும் முக்கியமான கதாபாத்திரத்தில் நடித்துவருகிறார்கள். இந்த திரைப்படத்தின் ஃபர்ஸ்ட் லுக் போஸ்டர் கடந்த ஜூலை மாதம் 10- ஆம் தேதி வெளியாகி ரசிகர்களுக்கு மத்தியில், நல்ல வரவேற்பை பெற்றது.விக்ரம் படத்தின் படப்பிடிப்பு கடந்த ஜூலை 16- ஆம் தேதி தொடங்கியது.
இந்த நிலையில், இந்த படத்தில் பஹத்பாசில் நடிக்கும் கதாபாத்திரம் குறித்த தகவல் கசிந்துள்ளது. அதாவது, படத்தில் நடிகர் பஹத்பாசில் விஞ்ஞானியாக நடித்துவருவதாக தகவல்கள் வெளியாகியுள்ளது. மேலும், விறுவிறுப்பாக நடைபெற்று வரும் படத்தின் படப்பிடிப்பை விரைவில் முடித்துவிட்டு அடுத்த ஆண்டு பொங்களில் படத்தை வெளியீட திட்டமிட்டுள்ளதாக கூறப்படுகிறது.
இந்த திரைபடத்தை நடிகர் கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். படத்திற்கு இசையமைப்பாளர் அனிருத் இசையமைத்து வருகிறார். விரைவில் படத்திற்கான மற்ற அறிவிப்புகள் வெளியாகும் என்று எதிர்பார்க்கப்படுகிறது.
