இந்தியாவில் எந்தெந்த மாநிலங்களில் 12-ம் வகுப்பு பொது தேர்வு ரத்து செய்யப்பட்டுள்ளது தெரியுமா…?

• கொரோனா தொற்று காரணமாக 12-ம் வகுப்பு பொது தேர்வு ரத்து.
• 12 மாநிலங்களில் பிளஸ் டூ தேர்வு ரத்து செய்யப்பட்டுள்ளது.

இந்தியா முழுவதும் கொரோனா வைரஸின் இரண்டாவது அலை தீவிரமாக பாவி வந்த நிலையில், இதனை கட்டுப்படுத்த மத்திய, மாநில அரசுகள் பல முன்னெச்சரிக்கை நடவடிக்கைகளை மேற்கொண்டு வருகிறது. இதனால் கடந்த சில நாட்களாக இந்தியாவில் கொரோனா தொற்றால் பாதிக்கப்படுவார்களின் எண்ணிக்கை குறைந்து வருகிறது.

இந்நிலையில், கொரோனா பரவல் காரணமாக கல்வி நிறுவனங்கள் ஒரு வருடத்திற்கு மேலாக மூடப்பட்டுள்ள நிலையில், 1 முதல் 11ம் வகுப்புவரை உள்ள மாணவர்கள் தேர்ச்சி அடைந்ததாக, பல மாநிலங்களில் அம்மாநில அரசுகள் தெரிவித்திருந்தது. இதனையடுத்து, தற்போது பல மாநிலங்களில் 12-ம் வகுப்பு தேர்வும் ரத்து செய்யப்பட்டுள்ளது.

அதன்படி, உத்தரபிரதேசம், மத்தியப் பிரதேசம், ஹரியானா, உத்தரகண்ட், மகாராஷ்டிரா, ராஜஸ்தான், குஜராத், ஒடிசா, தமிழ்நாடு, இமாச்சலப் பிரதேசம், கோவா மற்றும் கர்நாடகா ஆகிய மாநிலங்களில் 12-ம் வகுப்பு தேர்வு ரத்து செய்யப்பட்டுள்ளது.