இயக்குனர் ஷங்கர் விரைவில் நேரடி இந்தி படமொன்றை இயக்க உள்ளதாகவும், அதற்காக நடிகர் ரன்வீர் சிங் ஷங்கரை சந்தித்து பேசியுள்ளதாகவும் தகவல்கள் வெளியாகியுள்ளன.

தமிழ் சினிமாவின் பிரமாண்ட இயக்குனர் ஷங்கர் .இவர் பல ரீமேக் படங்களையும் இயக்கி வெற்றியும் பெற்றுள்ளார் . கடைசியாக இவர் ரஜினிகாந்த் மற்றும் அக்ஷய் குமார் ஆகியோரை வைத்து இயக்கிய 2.0 உலகளவில் பெரும் வெற்றியை பெற்றது.தற்போது அவர் கமலுடன் இணைந்து இந்தியன் 2 படத்தை இயக்கவுள்ளார். இந்த படத்தின் படப்பிடிப்பானது சில பல பிரச்சனைகளால் தள்ளி வைக்கப்பட்டுள்ளது.

அதனை குறித்த அப்டேட் வரும் என்று எதிர்பார்த்த நிலையில் சமீபத்தில் தனது அடுத்த படத்தின் அறிவிப்பை அறிவித்திருந்தார்.ஷங்கர் அடுத்ததாக இயக்கவிருக்கும் படத்தில் ராம் சரண் நடிக்க உள்ளதாகவும் , ஸ்ரீ வெங்கடேஸ்வரா கிரியேஷன்ஸ் தயாரிக்க உள்ளதாகவும் அறிவிக்கப்பட்டிருந்தது.அதற்கான பணிகளில் ஈடுபட்டு வரும் ஷங்கரின் அடுத்த படம் குறித்த தகவல்கள் வெளியாகியுள்ளன.

இந்த நிலையில் இயக்குனர் ஷங்கர் விரைவில் நேரடி இந்தி படமொன்றை இயக்க உள்ளதாக தகவல்கள் வெளியாகியுள்ளன . அதற்காக பாலிவுட் நடிகரான ரன்வீர் சிங் சென்னைக்கு வந்து இயக்கு ஷங்கரை சந்தித்து பேசியுள்ளதாக தகவல்கள் வெளியாகியுள்ளன.இந்த தகவலை பாலிவுட் ஊடகங்கள் உறுதிபடுத்தி உள்ளதாக கூறப்படுகிறது.இந்தியில் ஷங்கர் இயக்கும் படத்தினை இந்திய அளவில் அனைத்து மொழிகளிலும் வெளியிட திட்டமிட்டுள்ளதாகவும் , அதற்கான பேச்சுவார்த்தை மும்மரமாக நடைபெற்று வருவதாகவும் தகவல்கள் வெளியாகியுள்ளன.விரைவில் இந்த படத்தினை குறித்த அதிகாரப்பூர்வ அறிவிப்பு வெளிவரும் என்று எதிர்பார்க்கப்படுகிறது.

பால முருகன்

நான் பாலா டிஜிட்டல் செய்தி ஊடகத்தின் மீது ஆர்வம் கொண்ட காரணத்தால் கடந்த 2 ஆண்டுகளாக தினச்சுவடு ஊடகத்தில் பணியாற்றி வருகிறேன். சினிமா செய்திகள், விளையாட்டு செய்திகள், க்ரைம் செய்திகள், ஆகியவற்றை தினச்சுவடுக்காக அளித்து வருகிறேன்.

See Full Bio