நடிகை காஜல் அகர்வால் ஹனிமூனிற்காக பல கோடி ரூபாய் செலவு செய்ததாக தகவல்கள் வெளியாகியுள்ளன.

தமிழ் , தெலுங்கு,இந்தி என அனைத்து மொழிகளிலும் பல படங்களை நடித்து பிரபலமாக திகழ்பவர் காஜல் அகர்வால். தற்போது கமல்ஹாசன் அவர்களுடன் இணைந்து இந்தியன்-2 , சிரஞ்சீவியுடன் ஆச்சார்யா மற்றும் வெங்கட்பிரபு இயக்கத்தில் “லைவ் டெலிகாஸ்ட்’ என்ற வெப்தொடரிலும் நடித்து வருகிறார். இந்த நிலையில் சமீபத்தில் இவருக்கு கௌதம் கிச்லு என்ற தொழிலதிபருடன் மும்பையில் உள்ள அவரது இல்லத்தில் வைத்து திருமணம் நடைபெற்றது.

இந்த புதுமண தம்பதியினர் திருமணம் முடிந்த ஒரு வாரம் கழித்து மாலத்தீவுக்கு ஹனிமூன் சென்றனர் . அங்கு இந்திய பெருங்கடலில் கடல் மட்டத்திலிருந்து 16 அடிக்கு கீழே நீருருள் இருக்கும் ஹோட்டலான தி மூராகாவில் இருவரும் தங்கியிருந்தனர் . அப்போது எடுத்த புகைப்படங்களை அவர் தனது இன்ஸ்டாகிராம் பக்கத்தில் வெளியிட்டதும் , அது வைரலானதும் குறிப்பிடத்தக்கது . இந்த ஹோட்டலில் ஒரு இரவுக்கு கட்டணம் ஐம்பதாயிரம் டாலர்கள், அதாவது இந்திய மதிப்பில் சுமார் முப்பத்தெட்டு லட்சம் என்று கூறப்படுகிறது . அப்போது 10 நாட்களுக்கு பிற செலவுகள் உட்பட அனைத்திற்கு 5 கோடி வரை செலவாகும் என்று பாலிவுட் ஊடகங்கள் கூறியுள்ளது.

இந்த ஹோட்டலில் காஜலும் , அவரது கணவரும் 4 நாள் தங்கியதாகவும், அதற்கு அவர் பல கோடி ரூபாய் செலவு செய்ததாகவும் கூறப்படுகிறது . ஆனால் இது குறித்த எந்த தகவலும் அதிகாரப்பூர்வமாக அறிவிக்கப்படவில்லை என்பது குறிப்பிடத்தக்கது.