டியர் விராட், அவர்கள் யாரும் எந்த அன்பும் செலுத்தாததால் வெறுப்பால் நிறைந்திருக்கிறார்கள். அவர்களை மன்னித்து விடுங்கள். அணியை பாதுகாக்கவும்.
நடந்து வரும் ஆடவர் டி20 உலகக் கோப்பையில் பாகிஸ்தானுக்கு எதிராக இந்திய கிரிக்கெட் அணி 10 விக்கெட் வித்தியாசத்தில் தோல்வியை சந்தித்த பிறகு ஆன்லைனில் சர்ச்சைக்குள்ளான அணி வீரர் முகமது ஷமிக்கு ஆதரவாக பேசியதற்காக கேப்டன் கோலி கடுமையான ட்ரோலை எதிர்கொண்டார்.
ஷமி தனது மதத்தின் காரணமாக கடுமையான இன்ஸ்டாகிராம் மற்றும் ட்விட்டரில் மோசமான ஆன்லைன் ட்ரோலிங் மற்றும் துஷ்பிரயோகத்திற்கு ஆளானார். ஷமியின் தேசபக்தியை கேள்விக்குள்ளாக்கிய ட்ரோல்களை கடுமையாக விமர்சித்து கோலி கூறியதாவது:
என்னைப் பொறுத்தவரை, ஒருவரை அவர்களின் மதத்தின் மீது தாக்குவது ஒரு மனிதன் செய்யக்கூடிய மிகவும் பரிதாபமான விஷயம். ஒவ்வொருவருக்கும் ஒரு குறிப்பிட்ட சூழ்நிலையைப் பற்றி அவர்கள் என்ன நினைக்கிறார்கள் என்பதை வெளிப்படுத்த உரிமை உண்டு. ஆனால் தனிப்பட்ட முறையில் நான் ஒருபோதும் பாரபட்சம் காட்ட நினைத்ததில்லை.மதம் என்பது ஒவ்வொரு மனிதனுக்கும் மிகவும் தனிப்பட்ட மற்றும் புனிதமான விஷயம், அதை அங்கேயே விட்டுவிட வேண்டும்.தனிநபர்களாக நாம் என்ன செய்கிறோம், களத்தில் எவ்வளவு முயற்சி செய்கிறோம் என்பது பற்றிய புரிதல் இல்லாததால் மக்கள் தங்கள் ஏமாற்றத்தை வெளியே எடுக்கிறார்கள் என தெரிவித்திருந்தார்.
இதனையடுத்து, @Criccrazyygirl என்ற கணக்கிலிருந்து விராட்டின் குழந்தை வமிகாவுக்கு பாலியல் மிரட்டல் வந்துள்ளது. இதற்கு பல தரப்பினர் கண்டனம் தெரிவித்திருந்த நிலையில், காங்கிரஸ் எம்.பி ராகுல் காந்தி, விராட் கோலிக்கு ஆதரவாக ட்வீட் செய்துள்ளார்.
அந்த ட்விட்டர் பதிவில், டியர் விராட், அவர்கள் யாரும் எந்த அன்பும் செலுத்தாததால் வெறுப்பால் நிறைந்திருக்கிறார்கள். அவர்களை மன்னித்து விடுங்கள். அணியை பாதுகாக்கவும் என பதிவிட்டுள்ளார்.
