நாட்டின் 10மாநிலங்களில் 5.69லட்சம் ஹெக்டர் பரப்பளவில் வெட்டுக்கிளிகள் கட்டுப்படுத்தப்பட்டுள்ளதாக மத்திய வேளாண் அமைச்சகம் தெரிவித்துள்ளது.
கடந்த சில மாதங்களுக்கு முன்பு பல மாநிலங்களில் வெட்டுக்கிளிகளின் தாக்கம் அதிகரித்து அதன் மூலம் பல விவசாயிகளின் பயிர்கள் சேதமடைந்தது. அதனை தடுக்க பல நடவடிக்கைகள் மேற்கொள்ளப்பட்டது. அந்த வகையில் மத்திய வேளாண் அமைச்சகம் நாட்டிலுள்ள 10 மாநிலங்களில் 5லட்சத்து 66 ஆயிரம் ஹெக்டர் பரப்பளவில் உள்ள வெட்டுகிளிகள் கட்டுப்படுத்தப்பட்டு உள்ளதாக அறிவித்துள்ளது.
அதிலும் ராஜஸ்தான், மத்திய பிரதேசம், பஞ்சாப், குஜராத் உள்ளிட்ட மாநிலங்களில் பயிர்களை சேதப்படுத்தி வந்த வெட்டுகிளிகளை தடுப்பதற்காக பல தீவிர நடவடிக்கைகள் மேற்கொள்ளப்பட்டது. அதனால் தான் தற்போது வெட்டுகிளிகளை கட்டுப்படுத்துவது சாத்தியமானது என்றும், சில பகுதிகளில் வெட்டுக்கிளிகளை ஒழிப்பதற்காக பூச்சிக்கொல்லி தெளிப்பு வாகனங்களும், அதனுடன் மனிதவள மற்றும் கட்டுபாட்டு குழுக்களும் நிறுத்தப்பட்டுள்ளதாக கூறியுள்ளனர். மேலும் ராஜஸ்தானில் உள்ள சில மாவட்டங்களில் மட்டுமே வெட்டுக்கிளிகள் அதிக பயிர்களை சேதப்படுத்தி இழப்பு ஏற்பட்டதாகவும், மற்ற பகுதிகளில் பெரிய பயிர் இழப்பு ஏற்படவில்லை எனவும் கூறப்பட்டுள்ளது.
