28.9 C
Chennai
Sunday, June 13, 2021

தளபதி பிறந்தநாளை முன்னிட்டு தளபதி 66 அறிவிப்பு..??


9
/ 100


தளபதி 66 படத்திற்கான அதிகாரப்பூர்வ அறிவிப்பு ஜூன் 22 ஆம் தேதி விஜயின் பிறந்த நாளை முன்னிட்டு அறிவிக்கப்படுவதாக தகவல்கள் வெளியாகியுள்ளது. 

நடிகர் விஜய் தற்போது இயக்குனர் நெல்சன் திலீப் குமார் இயக்கத்தில் உருவாகி வரும் தளபதி 65 படத்தில் நடித்து வருகிறார். படத்திற்கான படப்பிடிப்பு ஜார்ஜியாவில் முடிந்துள்ள நிலையில், படத்தின் அடுத்த கட்ட படப்பிடிப்பு சென்னையில் நடைபெறவுள்ளது. மேலும் கொரோனா பரவல் காரணமாக படத்திற்கான அடுத்த கட்ட படப்பிடிப்பு ஜூன் மாதம் நடைபெறும் என்று எதிர்பார்க்கப்படுகிறது.

இந்த நிலையில், இந்த திரைப்படத்தை தொடர்ந்து நடிகர் விஜய் அடுத்ததாக தனது 66 வது படத்தில் நடிக்கவுள்ளார். அந்த படத்தை இயக்குனர் லோகேஷ் கனகராஜ் இயக்குவது உறுதியாகிவிட்டதாக தகவல்கள் வெளியான நிலையில், தற்போது கிடைத்த தகவல் என்னவென்றால் விஜயின் 66 வது திரைப்படத்தை பிரபல தெலுங்கு இயக்குனரான வம்சி படிபல்லி இயக்கவுள்ளதாக தகவல்கள் வெளியாகி வைரலாகி வருகிறது.

இதனை தொடர்ந்து தற்போது தளபதி 66 படத்திற்கான அதிகாரப்பூர்வ அறிவிப்பு ஜூன் 22 ஆம் தேதி விஜயின் பிறந்த நாளை முன்னிட்டு அறிவிக்கப்படுவதாகவும் அத்துடன் தளபதி 65 படத்தின் பர்ஸ்ட் லுக் மற்றும் டைட்டில் வெளியாகும் என்றும் தகவல்கள் வெளியாகியுள்ளது.

Latest news

Related news