சிட்டிஏர்பஸ் பறக்கும் கார் அதிகபட்சமாக 2,310 கிலோ எடையுடன் 20 மீ உயரத்தில் பறக்கிறது என்று ஏர்பஸ் நிறுவனம் தெரிவித்துள்ளது.
ஏவியேஷன் நிறுவனமான ஏர்பஸ் ஒரு ஐரோப்பிய பன்னாட்டு விண்வெளி நிறுவனம் ஆகும். 2019 ஆம் ஆண்டு நிலவரப்படி, ஏர்பஸ் உலகின் மிகப்பெரிய விமான உற்பத்தியாளர் மற்றும் போட்டியாளரான போயிங்கை மிஞ்சும் வகையில் அதிக விமான ஆர்டர்களை எடுத்துள்ளது.
இந்நிலையில்,நிறுவனம் அதன் மின்சார, நான்கு இருக்கைகள் கொண்ட VTOL (vertical take-off and landing) சிட்டிஏர்பஸ் பறக்கும் கார் 2,310 கிலோகிராம் எடையுடன் பறந்து செல்லும் புதிய வீடியோவை வெளியிட்டுள்ளது. அதன்படி,நான்கு நிமிட இடைவெளியில், சிட்டி ஏர்பஸ் பறக்கும் கார் 20 மீட்டர் உயரத்தில் பறந்தது.
மேலும்,இது தொடர்பாக ஏர்பஸ் ஹெலிகாப்டர்கள் நிறுவனம் தனது டுவிட்டர் பக்கத்தில் கூறியதாவது:”எங்கள் முழு அளவிலான UAM (urban air mobility) 2,310 கிலோ எடையுடன் புறப்பட்டது.இது விநியோகிக்கப்பட்ட டிரைவ் சிஸ்டத்துடன் கூடிய முழு மின்சார விமானத்தின் அதிக டேக்-ஆஃப் எடை ஆகும். 4 நிமிட சோதனையில் 4 இருக்கைகள் கொண்ட EVTOL 20 மீட்டர் உயரத்தில் பறந்தது “என்று தெரிவித்துள்ளது.
New #CityAirbus video????. Our full-scale #UAM demonstrator took off at 2,310 kg – the highest take-off weight of a full electric VTOL aircraft with a distributed drive system.
The 4-minute demo saw the 4-seat #eVTOL fly at an altitude of 20 metres. #ZeroEmissions pic.twitter.com/SqQDSuDkl2— Airbus Helicopters (@AirbusHeli) July 29, 2021
சிட்டிஏர்பஸ் யுஏஎம் (நகர்ப்புற காற்று இயக்கம்) தொலைதூரத்தில் பறக்கும் வகையில் கார் நான்கு குழாய் உயர்-லிப்ட் உந்துவிசை அலகுகளுடன் ஒரு மல்டிகாப்டர் உள்ளமைவைக் கொண்டுள்ளது.
மேலும்,சிட்டிஏர்பஸ் பறக்கும் காரில் எட்டு நிலையான பிட்ச் ப்ரொப்பல்லர்கள் மற்றும் 100 கிலோவாட் மின்சார மோட்டார்கள் உள்ளன. மின்சார மோட்டார்கள் கிட்டத்தட்ட 950 ஆர்பிஎம்மில் ப்ரொப்பல்லர்களை இயக்குகின்றன. 110kWh பேட்டரி மூலம் மின்சாரம் வழங்கப்படுகிறது. நான்கு பயணிகளின் திறன் கொண்ட சிட்டி ஏர்பஸ் பறக்கும் கார், 15 நிமிட சுயாட்சியுடன் (autonomy) நிலையான வழித்தடங்களில் ஏறத்தாழ 120 கிமீ வேகத்தில் பயணிக்கிறது.
சிட்டி ஏர்பஸ் பறக்கும் காரானது,சாதாரண கார்களை விட மூன்று மடங்கு வேகமாகவும், பாரம்பரிய ஹெலிகாப்டர்களை விட குறைவான சத்தத்தை ஏற்படுத்துவதாகவும்,மேம்பட்ட கட்டுப்பாட்டு அமைப்புகளுடன் இது தொலைதூரத்தில் இயங்குவதாகவும்,மேலும்,முழுமையாக மின்சாரம் மற்றும் பேட்டரி மூலம் இவை இயங்கும் விமானம் என்பதால்,தீங்கு விளைவிக்கும் வாயுக்களை சிட்டி ஏர்பஸ் வெளியிடுவதில்லை என்று ஏர்பஸ் நிறுவனம் தெரிவித்துள்ளது.
