சிபிஐ அமைப்பிற்கு புதிய இயக்குனர் பணி நியமனம்..!

மத்திய பணியாளர்த்துறை அமைச்சகம் சிபிஐ அமைப்பிற்கு புதிய இயக்குனராக சுபோத் குமார் ஜெய்ஸ்வால்-ஐ நியமித்துள்ளது.

சுபோத் குமார் ஜெய்ஸ்வால் கடந்த 1985 ஆம் ஆண்டு ஐபிஸ் அதிகாரியாக பணிபுரிந்தார். இவர் மஹாராஷ்டிராவை சேர்ந்தவர். மேலும், இவர் இம்மாநில காவல் டிஜிபி ஆகவும் பணிபுரிந்துள்ளார். இப்போது இவரை இரண்டு ஆண்டுகளுக்கு சிபிஐ அமைப்பின் புதிய இயக்குனராக அறிவித்துள்ளனர். இந்த முடிவை பிரதமர் மோடி, மக்களவை எதிர்க்கட்சித் தலைவர் ஆதிர் ரஞ்சன்சவுத்ரி, உச்சநீதிமன்ற தலைமை நீதிபதி என்.வி.ரமணா ஆகியோர் கலந்தாலோசித்து நியமித்தனர்.

ஆனால், இதில் எதிர்க்கட்சி தலைவரான ஆதிர் ரஞ்சன்சவுத்ரி இந்த ஆலோசனைக்கூடத்தில் எடுக்கப்பட்ட தேர்வு முறை சரியில்லை என்று குற்றம் சாட்டியுள்ளார். இவர் அளித்த பேட்டியில், சிபிஐ இயக்குனரை தேர்வு செய்யும் கமிட்டியின் விதிமுறைக்கு முற்றிலும் முரணாக இருக்கிறது இந்த முடிவு. நான் கடந்த 11ஆம் தேதியே 101 பேர் அடங்கிய பட்டியலை வழங்கினேன். அதில் 10 பேரை மட்டும் பட்டியலிட்டு, அதன் பிறகு அதில் மாலை 4 மணிக்கு 6 பேர் மட்டுமே அந்த பட்டியலில் இடம்பெற்றிருந்தனர். மத்திய பணியாளர்த்துறை அமைச்சகத்தின் செயல்பாடு கண்டிக்கத்தக்கது என்று அவர் கூறியுள்ளனர்.

மேலும், கடந்த பிப்ரவரி மாதமே சிபிஐ இயக்குனராக இருந்த ரிஷி குமார் சுக்லா ஓய்வு பெற்று சென்றுவிட்டார். அடுத்த 3 மாதங்களாக குஜராத் பிரிவின் ஐபிஸ் அதிகாரியான பிரவீன் சின்ஹா பொறுப்பு இயக்குனராக செயல்பட்டுள்ளது குறிப்பிடத்தக்கது.