கல்லூரி தரவரிசை பட்டியலில் இடம்பெற்றுள்ள கார்ட்டூன் கதாபாத்திரம் ஷின்சான் பெயர்.
கொரோனா வைரஸ் தாக்கத்தால் தற்பொழுது இந்தியா முழுவதிலும் கல்லூரிகளில் சேருவதற்கு ஆன்லைன் மூலமாக விண்ணப்ப பதிவு நடைபெற்று வருகிறது. இந்நிலையில் மேற்கு வங்கம் சிலிகுரியில் உள்ள கல்லூரி ஒன்றில் பிஎஸ்சி படிப்பில் சேர்வதற்கான தரவரிசைப் பட்டியல் வெளியிடப்பட்டுள்ளது. இந்த தர வரிசை பட்டியலில் புகழ்பெற்ற கார்ட்டூன் கதாபாத்திரமான ஷின்-சான் பெயர் இடம் பெற்றுள்ளது.
உடனடியாக அந்த பட்டியல் நீக்கப்பட்டு, தற்பொழுது புதிய பட்டியல் வெளியிடப்பட்டுள்ளது. ஏற்கனவே இதற்கு முன்பதாக ஒரு கல்லூரியில் பாடகி நேகா கக்கரின் பெயரும் மற்றும் ஒரு கல்லூரியில் நடிகை சன்னி லியோனின் பெயரும் இடம்பெற்றிருந்தது குறிப்பிடத்தக்கது. இதுபோன்ற கல்லூரிகள் அளித்த புகாரின் பேரில் தற்போது சைபர் கிரைம் போலீசார் விசாரணை நடத்தி வருகின்றனர்.
