உங்கள் தொகுதியில் ஸ்டாலின் என்ற திட்டத்தின் கீழ் நலத்திட்ட உதவிகளை வழங்கிய முதல்வர் மு.க.ஸ்டாலின்.
உங்கள் தொகுதியில் ஸ்டாலின் என்ற திட்டத்தின் கீழ் பல லட்சம் கோரிக்கை மனுக்கள் பெறப்பட்டது. இந்த திட்டத்தின் கீழ் பல்வேறு கோரிக்கைகள் மனுக்களாக கொடுக்கப்பட்ட நிலையில், இந்த திட்டத்தின் சிறப்பு அதிகாரியாக நியமிக்கப்பட்ட ஷில்பா பிரபாகர் தலைமையில் ஒரு குழு இந்த மனுக்கள் மீதான ஆய்வுகள் நடத்தப்பட்டு வருகிறது.
இந்நிலையில், மாற்று திறனாளிகள் தங்களுக்கு 4 சக்கர வாகனம் வேண்டும் என்று கோரிக்கை மனு அளித்திருந்தனர். இதனையடுத்து, முதல்வர் மு.க.ஸ்டாலின் தலைமை செயலகத்தில் மாற்று திறனாளிகளுக்கு நான்கு சக்கர வாகனம் வழங்கி வருகிறார். இந்த நிகழ்ச்சியில், தமிழக முதல்வர் மு.க.ஸ்டாலின் அவர்களுடன், உங்கள் தொகுதியில் முதல்வர் திட்டத்தின் சிறப்பு அதிகாரி ஷில்பா பிரபாகர் மற்றும் தலைமை செயலாளர் இறையன்பு ஆகியோர் உடனுள்ளனர். மேலும் இந்த திட்டத்தின் கீழ் பல்வேறு நலத்திட்ட உதவிகளை முதல்வர் வழங்கியுள்ளார்.
