ஓலா இ-ஸ்கூட்டர் முன்பதிவு இன்று முதல் தொடங்குகிறது.அதன் விவரங்களை காண்போம்.

ஓலா இ-ஸ்கூட்டர் முன்பதிவு இன்று முதல் தொடங்குகிறது என்று அந்நிறுவனத்தின் தலைவர் பவிஷ் அகர்வால் தெரிவித்துள்ளார்.

மேலும்,இதுகுறித்து அவர் தனது அதிகாரப்பூர்வ டுவிட்டர் பக்கத்தில் கூறியதாவது: “இந்தியாவின் மின்சார வாகன புரட்சி இன்று தொடங்குகிறது! ஓலா ஸ்கூட்டருக்கு முன்பதிவு இப்போது ஆரம்பமாகிறது! மின்சார வாகன உற்பத்தியில் உலகத் தலைவராவதற்கு இந்தியாவுக்கு ஆற்றல் உள்ளது.எனவே,இதனை வழிநடத்துவதில் பெருமிதம் கொள்கிறோம்”,என்று பதிவிட்டுள்ளார்.

முன்பதிவு:

இதனால்,ஓலா இ-ஸ்கூட்டரை வாங்க விரும்புவோர் முன்தொகையாக ரூ. 499 கட்டணம் செலுத்தி முன்பதிவு செய்து கொள்ளலாம்.மேலும்,எப்போது வேண்டுமானாலும் ரத்து செய்து 7-10 நாட்களுக்குள் பணத்தைத் திரும்பப் பெறலாம். ஓலா ஸ்கூட்டரை முன்பதிவு செய்ய http://olaelectric.com என்ற லிங்கை க்ளிக் செய்யவும்.

OTP சரிபார்ப்பைப் பயன்படுத்தி உங்கள் தொலைபேசி எண் வழியாக உள்நுழைய வேண்டும்.அதன்பின்னர்,வங்கி, கிரெடிட் / டெபிட் கார்டுகள், யுபிஐ அல்லது ஓலாமனி மூலம் ரூ .499 செலுத்தி உங்கள் ஓலா ஸ்கூட்டரை முன்பதிவு செய்யலாம்.அதுமட்டும்மல்லாமல்,மேற்கொண்டு வாங்க விரும்பினால் பல ஸ்கூட்டர்களை முன்பதிவு செய்யலாம்.ஓலா ஸ்கூட்டரை முன்பதிவு செய்ய உங்களுக்கு எந்த ஆவணங்களும் தேவையில்லை.

இதற்கிடையில்,அதிக தேவையின் காரணமாக ஸ்கூட்டருக்கான முன்பதிவுகளை ஏற்றுக்கொள்வதில் நிறுவனத்தின் வலைத்தளம் சிக்கல்களை எதிர்கொண்டது.இந்த பிரச்சினை இப்போது தலைமை நிர்வாக அதிகாரி மூலம் தீர்க்கப்பட்டுள்ளது.

India’s EV revolution begins today! Bookings now open for the Ola Scooter!
India has the potential to become the world leader in EVs and we’re proud to lead this charge! #JoinTheRevolution at https://t.co/lzUzbWtgJH @olaelectric pic.twitter.com/A2kpu7Liw4

— Bhavish Aggarwal (@bhash) July 15, 2021

ஓலா ஸ்கூட்டரின் விவரம் :

வடிவமைப்பைப் பொறுத்தவரை, புதிய ஓலா இ-ஸ்கூட்டரில் மெலிதான எல்.ஈ.டி (LED) டி.ஆர்.எல் களால் சூழப்பட்ட இரட்டை ஹெட்லேம்ப் கிளஸ்டர் இதற்கு தனித்துவமான தோற்றத்தை அளிக்கிறது.

எந்தவொரு இ-ஸ்கூட்டர் வாங்குபவரின் மிகப்பெரிய கவலைகளில் ஒன்று வாகனத்தின் வரம்பாகும்.ஏனெனில் நிறுவனங்கள் இன்னும் முழுமையான சார்ஜிங் சுற்றுச்சூழல் அமைப்பை உருவாக்கும் பணியில் உள்ளன. ஓட்டுநர் வரம்பிற்கான அதிகாரப்பூர்வ புள்ளிவிவரங்களை ஓலா எலக்ட்ரிக் வெளியிடவில்லை. இருப்பினும், 50% சார்ஜ் செய்தால் 75 கி.மீ தூரம் வரை பயணிக்க முடியும் என்று நிறுவனம் குறிப்பிட்டுள்ளது.

மேலும்,ஓலா ஸ்கூட்டர் இறுதி விலை விரைவில் அறிவிக்கப்படும் என்று நிறுவனம் குறிப்பிட்டுள்ளது.

It’s day 1 of the revolution, the day we’ve all been eagerly waiting for!

The Ola Electric Scooter can now be reserved at just Rs. 499.

So #ReserveNow to #JoinTheRevolution at https://t.co/5SIc3JyPqm and be first in line to the future of mobility! pic.twitter.com/UAWuy33d8q

— Ola Electric (@OlaElectric) July 15, 2021