தெற்கு டெல்லியில் உள்ள அமிர்தா பள்ளிக்கு வெடிகுண்டு மிரட்டல் விடுக்கப்பட்டுள்ளது.
தெற்கு டெல்லியின் புஷ்ப் விஹாரில் உள்ள அமிர்தா பள்ளிக்கு மின்னஞ்சல் மூலம் வெடிகுண்டு மிரட்டல் வந்துள்ளது. இன்று அதிகாலை 6:33 மணிக்கு மின்னஞ்சல் வந்ததாக கூறப்படுகிறது.
இதன்பின் வெடிகுண்டு மிரட்டல் குறித்து தகவல் அறிந்து வந்த டெல்லி போலீசார் மற்றும் வெடிகுண்டு செயலிழப்பு குழு சம்பவ இடத்தில் சோதனை மேற்கொண்டனர். ஒரு மாதத்தில் டெல்லியில் உள்ள பள்ளிக்கு மின்னஞ்சலில் வெடிகுண்டு மிரட்டல் வந்தது இது இரண்டாவது முறையாகும்.
வெடிகுண்டு மிரட்டல் குறித்து கருத்து தெரிவித்த தெற்கு டெல்லி காவல் ஆய்வாளர் சந்தன் சவுத்ரி, வெடிகுண்டு செயலிழப்பு குழு (BDT) பள்ளியை முழுமையாக சோதனை செய்தது. ஆனால், வெடிகுண்டு மற்றும் வெடி மருந்து பொருட்கள் எதுவும் கிடைக்கவில்லை என்று உறுதிப்படுத்தினார்.