33.5 C
Chennai
Monday, May 10, 2021

ஓவைசிக்கு பொட்டு வைப்பீர்களா??இயக்குநர் ராஜமவுலிக்கு பாஜக பகீரங்க எச்சரிக்கை

 இந்து மத உணர்வுகளை புண்படுத்தும் காட்சிகள் அமைத்ததாக இயக்குனர் ராஜமவுலிக்கு பா.ஜ.க. எச்சரிக்கை விடுத்துள்ளது.


தெலுங்கில் பிரபல இயக்குநராக வலம்வருபவர் ராஜமவுலி திரைபடைப்பில் தனிக்கென்று தனிபாணியை உருவாக்கி அசுர வெற்றி பெற்றவர்.இவரது படைப்பில் உருவான பாகுபலி மிக பிரம்மாண்ட வெற்றி பெற்று, பெருமளவு வசூலை குவித்து சாதனை படைத்தது குறிப்பிடத்தக்கது.

இந்நிலையில் தற்போது ராஜமௌலி ஆர்.ஆர்.ஆர். என்ற படத்தை இயக்கி வருகிறது.  இப்படத்தில்  பழங்குடியின மக்களின் தெய்வமாக போற்றப்படும் கொமரம் பீம் தலையில் தொப்பி வைத்திருப்பது போன்ற காட்சிகள் இடம் பெற்றுள்ளதாக கூறப்படுகிறது.
இந்த காட்சிக்கு பா.ஜ.க.வின் தெலுங்கானா மாநில தலைவர் பண்டி சஞ்சய் கடும் கண்டனம் தெரிவித்தார்.இது குறித்து செய்தியாளர்களிடம் கூறும்பொழுது, இயக்குநர் ராஜமவுலியின் இயக்கத்தில் வெளியாக உள்ள ஆர் ஆர் ஆர் படத்தில் கொமரம் பீம் தலையில் தொப்பி வைத்திருப்பதற்கு நாங்கள் எதிர்ப்பு தெரிவிக்கிறோம்.
நிஜாம் மற்றும் ஓவைசி புகைப்படங்களில் பொட்டு வைப்பதற்கு இதுபோன்ற நபர்களுக்கு தைரியம் உண்டா? என்று கேள்வி எழுப்பிய அவர் இப்படம் பழங்குடியின இந்து மக்களின் உணர்வுகளை புண்படுத்தி விட்டது.
நாங்கள் அவர்களை மதிக்கிறோம். ஆனால் மதிப்பது நம்முடைய பாரம்பரியம்.  இந்துக்களின் உணர்வுகள் புண்படுத்தி மிதிப்பவர்கலை நாங்கள் விட்டு வைக்கமாட்டோம்.
நாங்கள் ஜூனியர் என்.டி.ஆர். மற்றும் ராம்சரண் அல்லது படத்தில் நடிக்கும் வேறு எந்த நடிகர்களுக்கும் எதிரானவர்கள் அல்ல  இந்துக்களின் உணர்வுகளை புண்படுத்துவது என்பது சமீபத்திய நாட்களில் ஒடிரெண்ட் ஆகி வருகிறது.  இதனையே நாங்கள் எதிர்த்து வருகிறோம் என்று கூறியுள்ளார்.

Latest news

Related news