30 C
Chennai
Wednesday, May 19, 2021

பீகார் சட்டமன்ற தேர்தல்: துப்பாக்கியால் சுடப்பட்டு மருத்துவமனையில் அனுமதிக்கப்பட்ட சுயேட்சை வேட்பாளர் .!

ஹயாகட் தொகுதியில் சுயேட்சையாகப் போட்டியிடும் ரவீந்தர நாத் சிங் மர்ம நபர்களால் சுடப்பட்டு மருத்துவமனையில் அனுமதிக்கப்பட்டுள்ளார்.

பீகாரில் சட்டமன்ற தேர்தல் மூன்று கட்டமாக நடைபெறும் நிலையில் மூன்றாவது கட்ட வாக்கெடுப்பு நாளை நடைபெறவுள்ளது . அதில் ஹயாகட் சட்டமன்ற தொகுதியில் இருந்து சுயேட்சை வேட்பாளராகப் போட்டியிடுபவர் ரவீந்தர நாத் சிங். முன்னாள் ஜே.டி.யூ தலைவரான இவர் மர்ம நபர்களால் வியாழக்கிழமை சுட்டு மருத்துவமனையில் அனுமதிக்கப்பட்டுள்ளார்.

நேற்றைய தினம் ரவீந்தர நாத் சிங் அதிகாலை 12.05 மணியளவில் துகாலியில் பிரச்சாரத்தை முடித்து விட்டு வீட்டுக்கு சென்று கொண்டிருந்த போது தர்பங்கா மாவட்டத்தில் பஹேரி காவல் நிலைய எல்லைக்குட்பட்ட பைரி-தாகோபூர் வட்டாரத்தில் வைத்து அடையாளம் தெரியாத நபர்கள் துப்பாக்கியால் சுட்டுள்ளனர்.  அவரது வயிற்றில் இரண்டு புல்லட் காயங்களுடன் உடனடியாக உள்ளூர் மருத்துவமனைக்கு அழைத்து செல்லப்பட்டு தற்போது சிகிச்சை பெற்று வருகிறார். இதுகுறித்து தர்பங்கா மாவட்ட எஸ்பி அசோக் பிரசாத் கூறுகையில்,  நாங்கள் பல கோணங்களில் விசாரணை நடத்தி வருவதாகவும்,  அப்பகுதியில் உள்ள சிசிடிவி காட்சிகளும் சரிபார்க்கப்படுவதாகவும், மயக்த்தில் உள்ள சிங் அவர்களின் அறிக்கைக்காக காத்திருப்பதாகவும் கூறியுள்ளார்.

Latest news

Related news