டெல்லி : இந்திய இளைஞர்களின் கனவு வாகனங்கள் வரிசையில் எப்போதும் முன்னணியில் இருக்கும் இரண்டு சக்திவாய்ந்த மோட்டார் சைக்கிள்கள் யமஹா எம்டி-15 (Yamaha MT-15) மற்றும் டிவிஎஸ் அபாச்சி RTR 160 4V (TVS Apache RTR 160 4V) ஆகும். இரண்டும் ஆக்ரோஷமான தோற்றம், அதிரடியான செயல்பாடு மற்றும் த்ரில்லான ரைடிங் அனுபவத்தை வழங்கினாலும், இவற்றுள் எதைத் தேர்ந்தெடுப்பது என்பதில் பலருக்கும் குழப்பம் இருக்கத்தான் செய்கிறது.
எனவே, இந்த இரண்டு பைக்குகள் விலை எவ்வளவு மைலேஜ் எவ்வளவு கொடுக்கும் யாருக்கு எந்த பைக் செட் ஆகும் என்பதை பற்றி இந்த செய்தியில் பார்ப்போம்.
வடிவமைப்பு மற்றும் தோற்றம்
யமஹா MT-15: இது முற்றிலும் 'ஸ்ட்ரீட்-ஃபைட்டர்' (Street-fighter) வடிவமைப்பு லுக்கை கொண்டுள்ளது. யமஹாவின் பெரிய MT சீரிஸ் பைக்குகளின் தாக்கத்தால் உருவாக்கப்பட்ட இதில், மிரட்டலான ரோபோடிக் புரஜெக்டர் எல்இடி ஹெட்லைட் மற்றும் மிகக் குறைந்த பாடி ஒர்க் கொடுக்கப்பட்டுள்ளது. இது பார்ப்பதற்கு மிகவும் எதிர்காலத் தோற்றத்துடனும் (Futuristic), சாலையில் செல்பவர்களின் பார்வையை ஈர்க்கும் வகையிலும் இருக்கும்.
டிவிஎஸ் அபாச்சி RTR 160 4V: இந்த பைக் மஸ்குலர் மற்றும் ரேஸ்-இன்ஸ்பைர்ட் (Race-inspired) தோற்றத்தைக் கொண்டுள்ளது. கூர்மையான டேங்க் எக்ஸ்டென்ஷன்கள், தனித்துவமான எல்இடி டிஆர்எல் (DRLs) மற்றும் கவர்ச்சிகரமான கிராபிக்ஸ் ஆகியவை இதற்கு சாலையில் ஒரு மாஸான தோற்றத்தைத் தருகின்றன.
எஞ்சின் மற்றும் செயல்பாடு
யமஹா MT-15: இது அதிநவீன 155சிசி, லிக்யூடு-கூக்டு, 4-ஸ்ட்ரோக் எஞ்சின் மூலம் இயக்கப்படுகிறது. இதில் உள்ள VVA (Variable Valve Actuation) தொழில்நுட்பம், நகர நெரிசல்களில் சிறந்த டார்க் திறனையும், நெடுஞ்சாலைகளில் அசுர வேகத்தையும் வழங்குகிறது.
டிவிஎஸ் அபாச்சி RTR 160 4V: இது 159.7சிசி, ஆயில்-கூக்டு, 4-வால்வ் எஞ்சினைக் கொண்டுள்ளது. இதன் செக்மெண்ட்-லீடிங் த்ராட்டில் ரெஸ்பான்ஸ் மற்றும் அர்பன், ஸ்பெஷல், ரெயின் (Urban, Sport, Rain) போன்ற பல்வேறு ரைடிங் மோடுகள் இதற்குப் பெரும் பலம் சேர்க்கின்றன. சிட்டி பயணங்களுக்கு இது மிகவும் சுலபமான மற்றும் கச்சிதமான முடுக்கத்தை (Pickup) தருகிறது.
யமஹா MT-15: இதன் ஹேண்டில்பார் சற்று உயரமாக இருப்பதால், ஓட்டுவதற்கு மிகவும் நிமிர்ந்த மற்றும் வசதியான ஸ்ட்ரீட் ரைடிங் பொசிஷனைத் தருகிறது. இருப்பினும், இதன் பின்பகுதி சற்று உயரமாக இருப்பதால், பின்னால் அமர்பவரின் (Pillion) சவுகரியம் குறைவாக இருக்கலாம். தனிப்பட்ட பயன்பாட்டிற்கும் குறுகிய சிட்டி பயணங்களுக்கும் இது சிறந்தது.
டிவிஎஸ் அபாச்சி RTR 160 4V: இது ஓட்டுநர் மற்றும் பின்னால் அமர்பவர் இருவருக்கும் சமமான சவுகரியத்தை வழங்கும் ஸ்பிளிட்-சீட் அமைப்பைக் கொண்டுள்ளது. இதன் சேசிஸ் அமைப்பு இறுக்கமான முனைகளிலும் (Tight corners) மிகவும் ஸ்திரத்தன்மையுடன் செயல்படும்.
விலை, மைலேஜ் விவரம்
யமஹா MT-15 (Yamaha MT-15 V2):
- எக்ஸ்-ஷோரூம் விலை: இதன் தொடக்க விலை சுமார் ரூ. 1.55 லட்சம் முதல் ரூ. 1.78 லட்சம் வரை பல்வேறு வேரியண்ட்களுக்கு ஏற்ப விற்கப்படுகிறது.
- ஆன்-ரோடு விலை: மாநிலங்களின் சாலை வரி மற்றும் காப்பீட்டுத் தொகையைப் பொறுத்து, இதன் ஆன்-ரோடு விலை தோராயமாக ரூ. 1.85 லட்சம் முதல் ரூ. 2.03 லட்சம் வரை வரக்கூடும்.
டிவிஎஸ் அபாச்சி RTR 160 4V (TVS Apache RTR 160 4V):
- எக்ஸ்-ஷோரூம் விலை: இதன் தொடக்க விலை சுமார் ரூ. 1.25 லட்சம் முதல் தொடங்கி, டாப் எண்ட் வேரியண்ட் ரூ. 1.37 லட்சம் வரை நிர்ணயிக்கப்பட்டுள்ளது.
- ஆன்-ரோடு விலை: மாநிலங்களைப் பொறுத்து இதன் ஆன்-ரோடு விலை தோராயமாக ரூ. 1.32 லட்சம் முதல் ரூ. 1.55 லட்சம் வரை இருக்கக்கூடும்.
யமஹா MT-15: இது தோராயமாக 45 முதல் 50 கி.மீ வரை மைலேஜ் தந்து, உயர் தொழில்நுட்பச் செயல்பாட்டையும் மிதமான பெட்ரோல் சேமிப்பையும் சமன் செய்கிறது.
டிவிஎஸ் அபாச்சி RTR 160 4V: இது தோராயமாக 40 முதல் 45 கி.மீ வரை மைலேஜ் வழங்குவதுடன், இந்தியாவின் எந்தப் பகுதியிலும் இதன் உதிரிபாகங்கள் எளிதாகவும் மலிவாகவும் கிடைக்கும்.
உங்களுக்கு எந்த பைக் சிறந்தது?
உங்களுக்கு அதிநவீன தொழில்நுட்பம், எதிர்காலத் தோற்றமளிக்கும் ஸ்ட்ரீட்-ஃபைட்டர் வடிவமைப்பு, உடைந்திடாத லிக்யூடு-கூக்டு எஞ்சின் மற்றும் சிறந்த ரீசேல் வேல்யூ ஆகியவை தேவைப்பட்டால் நீங்கள் யமஹா MT-15 வாங்கலாம்.
நீங்கள் சற்று குறைந்த பட்ஜெட்டில் அதிக அம்சங்கள், சிறந்த பின் இருக்கை சவுகரியம், ரைடிங் மோடுகள் மற்றும் தினசரி சிட்டி பயன்பாட்டிற்கான விறுவிறுப்பான செயல்திறனை எதிர்பார்த்தால் நீங்கள் டிவிஎஸ் அபாச்சி RTR 160 4V வாங்கலாம்.