விமான நிலையத்தில் நேரடியாக சென்று ஒலிம்பிக்கில் பதக்கம் வென்ற இந்திய வீராங்கனை லவ்லினாவை அசாம் முதல்வர் வரவேற்றுள்ளார்.
டோக்கியோவில் நடைபெற்ற ஒலிம்பிக் குத்துச்சண்டை 69 கிலோ எடைப்பிரிவின் போட்டியில் இந்திய வீராங்கனை லவ்லினா வெண்கலப் பதக்கத்தை வெற்றிகொண்டார். அசாம் மாநிலத்தை சேர்ந்த லவ்லினா போர்கோஹேன் (23) ஒலிம்பிக் போட்டிக்கு பிறகு இன்று கவ்காத்தி விமான நிலையத்திற்கு வந்துள்ளார்.
இதனை அடுத்து இவரை வரவேற்பதற்காக அசாம் மாநில முதல்வர் ஹிமந்த விஸ்வ சர்மா நேரடியாக விமான நிலையத்திற்கு சென்று வரவேற்றுள்ளார். இது குறித்து அசாம் முதல்வர் ட்விட்டர் பக்கத்தில் தெரிவித்துள்ளதாவது, ஒலிம்பிக் பதக்கம் வென்றுள்ள நட்சத்திர வீராங்கனை லவ்லினாவை பெருமையுடன் வரவேற்றேன்.
டோக்கியோ ஒலிம்பிக்கில் இவர் பதக்கம் வெற்றிகொண்டது மூலமாக பல மக்களது கனவு நிறைவாகியுள்ளது. கிராமப்புறங்களிலிருந்து விளையாட வருபவர்களுக்கு முன்மாதிரியாக இனி இவர் விளங்குவார் என்று தெரிவித்துள்ளார்.
