தெலுங்கானாவில் வாகனத்தின் பதிவு எண்ணுக்கு பதிலாக, ஆந்திர முதலமைச்சரின் பெயரை வைத்து கார் ஓட்டிய அவரிடம் போலீசார் வழக்கு பதிவு செய்துள்ளனர்.
ஹைதராபாத் நகர் பகுதியில் காவலர்கள் வாகன சோதனையில் ஈடுபட்டிருந்தனர். அப்பொழுது அந்த வழியாக வந்த ஒரு காரின் முன் பகுதியில் பதிவு இருக்குமிடத்தில், நம்பருக்கு பதில், ஏ.பி.சி.எம் ஜெகன் என இருந்தது.
இதுகுறித்து அந்த காரை ஓட்டி வந்த நபரிடம் காவல்துறையினர் விசாரித்தனர். அதில் அவர் கிழக்கு கோதாவரி பகுதியை சேர்ந்த பீ.டெக் பட்டதாரியான ஹரி ராகேஷ் என்பது தெரியவந்துள்ளது.
இதுகுறித்து அவர் கூறுகையில், சுங்கச்சாவடியில் கட்டணங்கள் செலுத்துவது மற்றும் காவல்துறை சோதனையை தவிர்ப்பதற்காக வாகன எண்ணிக்கை பதில் ஆந்திர முதலமைச்சரின் பெயரை பயன்படுத்தியதாக தெரிவித்தார். இதனையடுத்து அவர் மீது வழக்குப் பதிவு செய்து, காவல் துறையினர் விசாரணை நடத்தி வருகின்றனர்.

Surya

See Full Bio