அண்ணாத்த திரைப்படத்தின் டிக்கெட் விலை 2925 என தவறாக பதிவிட்டு நெட்சன்களிடம் மாட்டிக்கொண்டார் இயக்குனர் மு.களஞ்சியம்.
சூப்பர் ஸ்டார் ரஜினிகாந்த் நடிப்பில் உருவாகியுள்ள அண்ணாத்த திரைப்படம் வரும் தீபாவளியை முன்னிட்டு நவம்பர் 4ஆம் தேதி வெளியாக உள்ளது. இந்த படத்தை சன் பிக்ச்சர்ஸ் தயாரித்துள்ளது. உதயநிதி ஸ்டாலினின் ரெட் ஜெயண்ட் மூவீஸ் நிறுவனம் தமிழகம் முழுவதும் வாங்கி வெளியிடுகிறது.
நேற்று முதலே பல தியேட்டர்களில் முன்பதிவு தொடங்கியுள்ளது. பல தியேட்டர்களில் டிக்கெட் புக்கிங் விறுவிறுவென நடைபெற்று வருகிறது. தற்போது முக்கால்வாசி தியேட்டர்களில் ஆன்லைன் முன்பதிவு என்பதால், டிக்கெட் விலை நேரடியாக தெரிந்துவிடும்.
இந்நிலையில், தமிழ் திரைப்பட இயக்குனர் மு.களஞ்சியம் தனது டிவிட்டர் பக்கத்தில் ஒரு பதிவை பதிவிட்டுள்ளார். அதில், அண்ணாத்த திரைப்படத்தின் டிக்கெட் விலை 2925 ரூபாய் இருக்கிறது. இதனை முதலமைச்சர் கேட்கமாட்டாரா? படத்தை வெளியிடும் உதயநிதி ஸ்டாலின் இது நியாயமா என்பது போல கேள்வி கேட்டு பதிவிட்டுள்ளார்.
ஆனால், உண்மையில், அந்த டிக்கெட்டில் 15 பேருக்கான மொத்த விலை போடப்பட்டுள்ளது. அதிலும், M வரிசையில் 1 இல் இருந்து 15 சீட் நம்பர் எனவும் தெளிவாக போடப்பட்டுள்ளது. இதனை குறிப்பிட்டு ரசிகர்கள் அவரை வச்சி செய்து வருகின்றனர்.
ஒரு அண்ணாத்த டிக்கெட் விலை 2925 ரூபாய்.இது பகற்கொள்ளை இல்லையா? முதல்வரின் மகன் செய்யலாமா? அரசு அனுமதிக்கலாமா? தயாரிப்பாளர் சங்கம் கண்டிக்காதா?
இந்த கொரோனா கலத்தில் இது போன்று கொள்ளையடித்தால் எப்படி மக்கள் திரையரங்குக்கு வருவார்கள்?சிஸ்டம் கெட்டுப் போச்சுன்னவர் இதை கேட்க மாடாடாறா? pic.twitter.com/SwPOU6ozej— Cholan mu Kalanchiyam (மு.களஞ்சியம்) (@MuKalanchiyam) October 30, 2021
