உலக அழகியாக மெக்சிகோவின் 26 வயதான ஆண்ட்ரியா மெஸா தேர்வு செய்யப்பட்டுள்ளார்.
புளோரிடாவில், ஹாலிவுட் அரங்கில் உள்ள ராக் ஹோட்டல் ஆண்ட் கேசினாவில், 69வது ஆண்டு உலக அழகிப் போட்டி நடைபெற்றது. இந்த போட்டியானது கொரோனா வைரஸ் பரவலுக்கு மத்தியில் மிகுந்த பாதுகாப்புடனும் நடத்தப்பட்டது. இதில் 74 நாடுகளை சேர்ந்த பெண்கள் கலந்து கொண்டனர்.
இந்த போட்டியில் மெக்சிகோ நாட்டில் 26 வயதான ஆண்ட்ரியா மெஸாவும், பிரேசிலின் ஜூலியா காமாவும் இறுதி சுற்றுக்கு தகுதி பெற்றனர். இதனையடுத்து உலக அழகியாக மெக்சிகோவின் 26 வயதான ஆண்ட்ரியா மெஸா அறிவிக்கப்பட்டார். இவருக்கான உலக அழகி பட்டத்தை. கடந்த ஆண்டு உலக அழகி பட்டம் வென்ற, தென்னாப்பிரிக்காவின் ஜோஜிபினி டுன்ஸி உலக அழகி மகுடத்தை சூட்டினார்.
பிரேசில் நாட்டுப் பெண் ஜூலியா காமா 2-வது இடத்தையும், பெரு நாட்டைச் சேர்ந்த ஜானிக் மெக்டா (27) 3-வது இடத்தைப் பெற்றுள்ளார். பத்து ஆண்டுகளுக்குப் பின் மெக்சிகோவை சேர்ந்த பெண் உலக அழகியாக தேர்ந்தெடுக்கப்பட்டு உள்ளது குறிப்பிடத்தக்கது.
