35.5 C
Chennai
Thursday, June 17, 2021

தலைமை செயலகத்தில் அதிகாரிகளுடன் அன்பில் மகேஷ் ஆலோசனை.!


9
/ 100


12-ம் வகுப்பு பொதுத்தேர்வு குறித்தும், 10-ஆம் வகுப்பு மாணவர்களுக்கு எவ்வாறு தேர்ச்சி வழங்குவது என்பது குறித்து ஆலோசனை கூட்டம் நடைபெறுகிறது.

கொரோனா வைரஸ் பாதிப்பு காரணமாக 12ம் வகுப்பு பொதுத் தேர்வுகள், நீட் மற்றும் ஜேஇஇ நுழைவுத் தேர்வுகள் நடத்தப்படாமல் உள்ளது. இது குறித்து நேற்று மத்திய அரசு அனைத்து மாநில கல்வித்துறை அமைச்சர்கள் மற்றும் அதிகாரிகளுடன் ஆலோசனை நடத்தியது. அக்கூட்டத்தில் தமிழக பள்ளிக்கல்வித்துறை அமைச்சர் அன்பில் மகேஷ் பொய்யாமொழி, உயர்கல்வித் துறை அமைச்சர் பொன்முடி அகியோர் கலந்துகொண்டனர்.

ஆலோசனைக்கு  பிறகு செய்தியாளர்களிடம் பேசிய அமைச்சர் அன்பில் மகேஷ், 12-ம் வகுப்பு பொதுத் தேர்வு கட்டாயமாக நடைபெறும். தமிழக அரசின் நிலைப்பாடும் அது தான். தமிழகத்தின் நிலைப்பாடு குறித்து செவ்வாய்க்கிழமைக்குள் தெரிவிப்பதாககூறியுள்ளோம் என தெரிவித்தார்.

இந்நிலையில், சென்னை தலைமை செயலகத்தில் அமைச்சர் அன்பில் மகேஷ் தலைமையில் பள்ளிக்கல்வித் துறை நடவடிக்கைகள் குறித்தும், 12-ம் வகுப்பு பொதுத்தேர்வு குறித்தும், 10-ஆம் வகுப்பு மாணவர்களுக்கு எவ்வாறு தேர்ச்சி வழங்குவது என்பது குறித்து ஆலோசனை கூட்டம் நடைபெறுகிறது. இந்த கூட்டத்தில் செயலாளர் தீரஜ் குமார், ஆணையர் நந்தகுமார் ஆகியோர் கலந்துகொண்டுள்ளனர்.

Latest news

Related news