26 C
Chennai
Friday, February 26, 2021

விக்ரம் பிரபுவை அடுத்து சிவாஜி கணேசன் குடும்பத்திலிருந்து ஹீரோவாக அறிமுகமாகும் இளம் வாரிசு .!


4
/ 100


நடிகர் சிவாஜி கணேசனின் முத்த மகனின் மகனான தர்ஷன் சீனு ராமசாமி இயக்கத்தில் உருவாகும் படத்தில் ஹீரோவாக நடிக்க உள்ளதாக கூறப்படுகிறது.

தமிழ் சினிமாவின் நடிப்பின் நாயகனாக பலரது மனதிலும் நீங்கா இடம் பிடித்தவர் நடிகர் திலகம் சிவாஜி கணேசன்.இவர் தனது 74ம் வயதில் கடந்த 2001-ம் ஆண்டு காலமானதை தொடர்ந்து இவரது இளைய மகனான பிரபு 90 மற்றும் 80ஸ்-களில் சினிமாவில் நடித்து பெண்களின் காதல் மன்னனாக திகழ்ந்தார் .அதே போன்று அவரது மூத்த மகன் தயாரிப்பாளர் மட்டுமின்றி ஒரு சில படங்களிலும் நடித்துள்ளார் என்பது குறிப்பிடத்தக்கது.

இவர்களை தொடர்ந்து சிவாஜி கணேசனின் பேரன்களான துஷ்யத், விக்ரம் பிரபு, சிவகுமார் ஆகியோரும் சினிமாவில் அறிமுகமாகி தற்போது அதில் பிரபுவின் மகனான விக்ரம் பிரபு தமிழ் சினிமாவின் முன்னணி நடிகராக வலம் வருகிறார்.இவர்களை தொடர்ந்து தற்போது சிவாஜி கணேசனின் முத்த மகனின் மகனான தர்ஷன் சினிமாவில் ஹீரோவாக அறிமுகமாக உள்ளதாக கூறப்படுகிறது.

இவருக்கு நடிப்பின் மீது ஆர்வம் இருந்ததாகவும் ,எனவே சுமார் மூன்று வருடங்களுக்கு மேலாக சண்டை பயிற்சி, மேடை நாடகம், நடனம் போன்றவற்றை கற்று தேர்ந்துள்ளதாக கூறப்படுகிறது.இவர் நாயகனாக அறிமுகமாகும் படத்தை தேசிய விருது வென்ற இயக்குனர் சீனு ராமசாமி இயக்க உள்ளதாக தகவல்கள் வெளியாகியுள்ளன.விரைவில் இதனை குறித்த அதிகாரப்பூர்வ அறிவிப்பு வெளிவரும் என்று எதிர்பார்க்கப்படுகிறது.

Latest news

Related news