லோகேஷ் கனகராஜ் இயக்கத்தில் நடிகர் விஜய் நடித்துள்ள மாஸ்டர் திரைப்படத்திற்காக புதிய எமோஜியை ட்விட்டர் வெளியிட்டுள்ளது. 

தமிழ் திரையுலகில் அனைவரும் எதிர்பார்த்து கொண்டிருக்கும் திரைப்படங்களில் ஒன்று விஜய் நடிப்பில் உருவாகியுள்ள மாஸ்டர். இயக்குனர் லோகேஷ் கனகராஜ் இயக்கிய இந்த திரைப்படம் கடந்த ஏப்ரல் மாதம் வெளியாக இருந்த நிலையில் கொரோனா காரணமாக திரையரங்குகள் அனைத்தும் மூடப்பட்டு மாஸ்டர் படத்தின் ரிலீஸ் தேதி தள்ளி சென்றது. அதன்பிறகு சில தளர்வுகளுடன் திரையரங்குகள் மீண்டும் 50% பார்வையாளர்களுடன் திறக்கப்பட்டது.

இதனிடையே, மாஸ்டர் படத்தின் டீசர் ரசிகர்கள் மட்டுமின்றி பலருக்கும் பிடித்ததாக அமைந்தது. பல சாதனைகளையும் படைத்தது. 2020-ஆம் ஆண்டின் அதிகம் ட்வீட் செய்யப்பட்ட பெயரில் மாஸ்டர் தான் இடம்பிடித்தது. இதனை ட்விட்டர் இந்தியாவே அதிகாரப்பூர்வமாக அறிவித்திருந்தது. மாஸ்டர் திரைப்படம் தமிழ், இந்தி, கன்னட, தெலுங்கு போன்ற மொழிகளில் டப் செய்து நேரடியாக இந்திய மட்டுமில்லாமல் உலகம் முழுவதும் வெளியிடப்படுகிறது.

இந்நிலையில், மாஸ்டர் ஜனவரி 13ம் தேதி திரையரங்குகளில் வெளியாகும் என்று அறிவித்திருந்த நிலையில், தற்போது மாஸ்டர் படத்திற்காக புதிய எமோஜி ட்விட்டர் இந்தியா வெளியிட்டுள்ளது. இதுகுறித்து நடிகர் விஜய் அவரது ட்விட்டர் பக்கத்தில் MasterFilm என்ற ஹாஸ்டேக் பயன்படுத்தி, ட்விட்டர் இந்தியாவை டேக் செய்து பதிவிட்டிருந்தார். இதனை ட்விட்டர் இந்தியா, புத்தாண்டு வாழ்த்துக்கள் நடிகர் விஜய் மற்றும் மாஸ்டர் ரசிகர்கள் என்று கூறி, மாஸ்டர் படத்திற்காக புதிய எமோஜிகளுடன் விஜயின் டீவீட்டை ரீட்விட் செய்துள்ளது. உடனே ரசிகர்கள் மாஸ்டர் ஹாஸ்டேக்கை பயன்படுத்தி ட்விட் செய்து வருகின்றனர்.

Happy New Year to @actorvijay and Master fans only. Tweet #MasterFilm, #MasterPongal, #மாஸ்டர், #మాస్టర్, #VijayTheMaster to unlock a special emoji! https://t.co/CeyAwsHiNw

— Twitter India (@TwitterIndia) January 1, 2021

பாலா கலியமூர்த்தி

நான் பாலா கலியமூர்த்தி, இயந்திரவியல் துறையில் இளங்கலை பொறியியல் பட்டம் பெற்றுள்ளேன். கடந்த 4 ஆண்டுகளாக தினசுவடு டிஜிட்டல் ஊடகத்தில் பணியாற்றி வருகிறேன். அங்கு, அரசியல், விளையாட்டு, சினிமா மற்றும் க்ரைம் செய்திகள் ஆகியவற்றை அளித்து வருகிறேன்

See Full Bio