உலகின் முதல் பறக்கும் பைக் மாடலை அலி டெக்னாலஜிஸ் நிறுவனம் அறிமுகம் செய்துள்ளது.
பறக்கும் கார்களை உருவாக்கும் முயற்சியில் பல நிறுவனங்கள் ஈடுபட்டு வரும் நிலையில்,பறக்கும் பைக்குகளை ஜப்பானை தளமாகக் கொண்ட அலி (ALI Tech) டெக்னாலஜிஸ் நிறுவனம் உருவாக்கி வருகிறது.அந்த வகையில்,உலகின் முதல் பறக்கும் பிராக்டிகல் ஹோவர் பைக் மாடலை அந்நிறுவனம் அறிமுகம் செய்துள்ளது .அதன் பெயர் எக்ஸ்டுரிஸ்மோ என்று அழைக்கப்படுகிறது.மேலும்,அதன் இயக்கம் குறித்து நிறுவனம் ஒரு வீடியோவை வெளியிட்டுள்ளது.
அலி டெக்னாலஜிஸ் நிறுவனம்,அக்டோபர் 26 முதல் எக்ஸ்டுரிஸ்மோ (XTURISMO) லிமிடெட் பதிப்பிற்கான முன்பதிவை ஏற்கத் தொடங்கியுள்ளது .எனினும், நிறுவனம் இந்த பறக்கும் பைக்குகளின் 200 யூனிட்களை மட்டுமே உற்பத்தி செய்யவுள்ளது.வரி மற்றும் காப்பீட்டு பிரீமியங்கள் உட்பட இதன் விலை 77.7 மில்லியன் யென் (இந்திய மதிப்பில் தோராயமாக ரூ.5.10 கோடி) ஆகும்.
எக்ஸ்டுரிஸ்மோ பறக்கும் பைக் அல்லது ஹோவர்பைக் பெட்ரோலில் இயங்கும் உள்எரிப்பு இயந்திரத்துடன் மின்சாரத்தில் இயங்குகிறது. 2025 ஆம் ஆண்டுக்குள் இந்த பறக்கும் பைக்கின் முழு மின்சார பதிப்பை வெளியிட நிறுவனம் இலக்கு வைத்துள்ளது.
எக்ஸ்டுரிஸ்மோ பறக்கும் பைக்கின் எடை சுமார் 300 கிலோ ஆகும்.இது 3.7 மீட்டர் நீளம், 2.4 மீட்டர் அகலம் மற்றும் 1.5 மீட்டர் உயரம் கொண்டது.ஒரு பைலட் மட்டுமே இந்த பைக்கில் அமர முடியும்.
நிறுவனத்தின் கூற்றுப்படி,30 முதல் 40 நிமிடங்கள் வரை பைக் பறக்கும் . ஹோவர்பைக்கின் அதிகபட்ச வேகம் இதுவரை நிறுவனத்தால் வெளியிடப்படவில்லை என்றாலும்,மணிக்கு 100 கிமீ வேகத்தில் செல்லும் திறனுடையதாக கூறப்படுகிறது.
இது தொடர்பாக,அலி டெக்னாலஜிஸின் தலைவர் டெய்சுகே கட்டனோ கூறுகையில்: “நாங்கள் 2017-ல் ஹோவர்பைக்குகளை உருவாக்கத் தொடங்கினோம். எதிர்காலத்தில் காற்று இயக்கம் விரிவடையும் என்று எதிர்பார்க்கப்படுகிறது, ஆனால் முதலில் இது சுற்றுகள்,மலைப் பகுதிகளில் பயன்படுத்தப்படும்”,என்று கூறினார்.
இந்த லிமிடெட் எடிஷன் பறக்கும் பைக்குகளின் முதல் யூனிட்களின் டெலிவரி அடுத்த ஆண்டு முதல் பாதியில் தொடங்கும் என்று நிறுவனம் தெரிவித்துள்ளது.
ஐபிஎல் 2024: தோனி களத்திற்குள் வந்தாலே எல்லாரும் மிரண்டு போயிறாங்க என்று லக்னோ கேப்டன் கேஎல் ராகுல் புகழாரம். நடப்பாண்டு ஐபிஎல் தொடர் விறுவிறுப்பாக நடைபெற்று வரும்…
Ghilli ReRelease: நடிகர் விஜய் மற்றும் நடிகை த்ரிஷா நடித்த 'கில்லி' திரைப்படம், இன்று உலகம் முழுவதும் ரீ-ரிலீஸ் செய்யப்படுகிறது. இயக்குனர் தரணி இயக்கத்தில் 2004ஆம் ஆண்டு…
IPL 2024 : லக்னோ உடனான போட்டியில் தோனி பேட்டிங் செய்ய களமிறங்கிய போது டி காக் மனைவியின் ஸ்மார்ட் வாட்ச் எச்சரிக்கை கொடுத்துள்ளது. ஐபிஎல் தொடரின்…
Election2024 : தென்சென்னையில் 13வது வாக்குசாவடியில் கள்ள ஓட்டு போட்டுள்ளனர் அதனால் மீண்டும் வாக்குப்பதிவு நடத்த தமிழிசை கோரிக்கை வைத்துள்ளார். நாடாளுமன்ற முதற்கட்ட வாக்குபதிவில், தமிழகத்தில் உள்ள…
birdsFlu : கேரளாவில் பறவை காய்ச்சல் பரவி வரும் நிலையில் தமிழ்நாடு - கேரளா எல்லையில் கண்காணிப்பு பணிகள் தீவிரம் கேரளாவின் ஆலப்புழா மாவட்டத்தில் உள்ள குட்டநாடு…
Actor Vijay: தமிழக வெற்றிக் கழக்கத்தின் தலைவரும், நடிகருமான விஜய் மீது, சென்னை காவல் ஆணையர் அலுவலகத்தில் புகார் அளிக்கப்பட்டுள்ளது. இந்தியா முழுவதும் நேற்று மக்களவைத் தேர்தலுக்கான…