மாதத்தின் முதல் நாளில் சற்று குறைந்த தங்கம் விலை! சவரனுக்கு எவ்வளவு தெரியுமா?

சென்னை : மாதத்தின் முதல் நாளான இன்று ஆபரணத் தங்கம் விலை சவரனுக்கு மேலும் ரூ.240 குறைந்துள்ளது. தங்கம் விலை தொடர் உயர்வை கண்டு வந்த நிலையில், நேற்றும் இன்றும் சற்று குறைந்துள்ளதால் இல்லத்தரசிகளுக்கு ஆறுதல் அளிக்கும் வகையில் உள்ளது.

சென்னையில் நேற்று 1 கிராம் தங்கம் விலை ரூ.15 குறைந்து ரூ.7,080க்கும், 1 சவரன் தங்கம் ரூ.120 சரிந்து, ரூ.56,640க்கும் விற்கப்பட்டது. இந்நிலையில் இன்று 1 கிராம் தங்கம் விலை ரூ.30 குறைந்து ரூ.7,050க்கு விற்கப்படுகிறது. அதேபோல், 1 சவரன் தங்கம் விலை ரூ.240 சரிந்து ரூ.56,400ஆக விற்கப்படுகிறது.

ஆனால், வெள்ளி விலையில் எந்தவித மாற்றம் இல்லாமல்,தொடர்ந்து நான்காவது நாளாக  கிராமுக்கு ரூ.101 க்கும், 1 கிலோவுக்கு ரூ.101,000க்கும் விற்பனை செய்யப்படுகிறது.